An-Noor
Bu, as-Saʿdī’nin tefsirinin, IslamHouse.com’un saadi.islamenc.com adresinde yayımladığı hâliyle bir çevirisidir; o sitenin sayfalarından okunmuştur. Site, kimin çevirdiğini ya da hangi basılı neşri izlediğini söylemez ve metnini almak için hiçbir şart belirtmez; bu yüzden bunu gösterme hakkı doğrulanmamıştır. Kimse bunu basılı bir kitapla karşılaştırmadı ve hiçbir âlim gözden geçirmedi. Her bölüm, yorumladığı âyetlerin yanında durur; bu âyetler Tanzil’in Kur’ân metnidir, orada olduğu gibi gösterilir; sitenin kendine ait bir yorum vermediği bir âyet kendisinden önceki bölümle birlikte durur ve dizin böyle her âyeti adıyla anar. Sabīl bunun hiçbirini yazmamış ve çevirmemiştir.
Metin kaynağı:saadi.islamenc.comIslamHouse.comnone stated (the site names no licence and no terms for taking its text)2026-10-22 tarihinde alındı
ٱلزَّانِى لَا يَنكِحُ إِلَّا زَانِيَةً أَوْ مُشْرِكَةً وَٱلزَّانِيَةُ لَا يَنكِحُهَآ إِلَّا زَانٍ أَوْ مُشْرِكٌ ۚ وَحُرِّمَ ذَٰلِكَ عَلَى ٱلْمُؤْمِنِينَ 3
{3} Haya ni maelezo yanayobainisha uovu wa zinaa, na kwamba huchafua heshima ya mwenye kuitenda, na heshima ya mwenye kuilinganisha na kuichanganya kwa namna ambayo madhambi mengine hayafanyi. Kwa hivyo, akaeleza kwamba mzinifu haoi mwanamke yeyote isipokuwa mwanamke mzinifu, ambaye hali yake na hali ya mwanamke huyo zinanasibiana na kuingiliana, au mshirikina kwa Mwenyezi Mungu ambaye haamini ufufuo wala malipo, wala hajilazimishi katika kufuata amri ya Mwenyezi Mungu. Na mwanamke mzinifu vilevile, hamwoi isipokuwa mwanamume mzinifu au mshirikina. "Na hayo yameharamishwa kwa Waumini." Yaani, imeharamishwa kwao kuolewa na mwanamume mzinifu au kuoa mwanamke mzinifu. Maana ya Aya hii ni kwamba yeyote yule ambaye amesifika na uzinifu, awe mwanamume au mwanamke, na asitubie kwa hilo. Basi yule anayemtanguliza kumwoa, pamoja na kuwa Mwenyezi Mungu ameharamisha hilo haepukiki ima kuwa hashikamani na hukumu za Mwenyezi Mungu na mtume wake na huyo hawi isipokuwa mshirikina, na ima awe ameshikamana na hukumu za Mwenyezi Mungu na mtume wake. Kwa hivyo, akaendelea kumwoa, akijua uzinzi wake; basi ndoa hii ni uzinzi, na ndoa ya mzinifu ni uchafu; ikiwa yeye ni muumini wa kweli wa Mwenyezi Mungu, hawezi kufanya hivo. Na hii ni dalili ya wazi ya kuharamishwa ndoa ya mwanamke mzinifu mpaka atubie. Vile vile, ndoa ya mwanamume mzinifu mpaka atubie. Na hakika kumlinganisha mume na mke wake, na mke kwa mumewe ni ulinganisho mkali zaidi wa uwili, na Mwenyezi Mungu Mtukufu amesema, “Wakusanyeni waliodhulumu na wake zao;” yaani, wenzao. Basi Mwenyezi Mungu akakataza hilo kwa sababu ya ubaya mkubwa uliomo ndani yake, na uchache wa kuwa na ghera na kuhusisha watoto ambao sio kutoka kwa mume, na kwa kuwa mzinifu hamwachi kwa sababu ya kujishughulisha na mtu mwingine; ambayo baadhi yake ni ya kutosha katika kukataza. Na kwa hili ni dalili ya kwamba mzinifu si muumini, kama alivyosema Mtume - rehema na amani za Mwenyezi Mungu zimshukie, “Hazini mzinifu wakati anapozini hali yeye ni muumini.” Na yeye hata kama si mshirikina, basi haitiwi kwa jina lenye sifa, ambayo ni imani kamili.