At-Tawba
این ترجمهٔ تفسیر سعدی است، همان‌گونه که IslamHouse.com آن را در saadi.islamenc.com منتشر می‌کند و از صفحه‌های آن سایت گرفته شده است. سایت نمی‌گوید چه کسی آن را ترجمه کرده و از کدام چاپ پیروی می‌کند، و برای برداشتن متن آن شرطی بیان نمی‌کند، پس حق نمایش آن تأیید نشده است. کسی آن را با کتاب چاپی مقایسه نکرده و عالمی آن را بررسی نکرده است. هر بخش در کنار آیه‌هایی آمده که دربارهٔ آن‌ها توضیح می‌دهد و این آیه‌ها متن قرآن از Tanzil است، همان‌گونه که آنجا هست؛ آیه‌ای که سایت توضیح جداگانه‌ای برایش نمی‌دهد با بخش پیش از خود می‌آید، و فهرست هر چنین آیه‌ای را نام می‌برد. سبیل چیزی از آن را ننوشته و ترجمه نکرده است.
متن ازsaadi.islamenc.comIslamHouse.comnone stated (the site names no licence and no terms for taking its text)برداشته‌شده در 2026-10-22
فَأَعْقَبَهُمْ نِفَاقًا فِى قُلُوبِهِمْ إِلَىٰ يَوْمِ يَلْقَوْنَهُۥ بِمَآ أَخْلَفُوا۟ ٱللَّهَ مَا وَعَدُوهُ وَبِمَا كَانُوا۟ يَكْذِبُونَ ۷۷
{77} Basi wakati hawakutimiza yale waliyomuahidi Mwenyezi Mungu, akawaadhibu na "akawafuatisha unafiki katika nyoyo zao" utakaoendelea "mpaka Siku watakapokutana naye, kwa sababu ya kuwa walimvunjia Mwenyezi Mungu yale waliyomuahidi, na kwa sababu ya kusema kwao uwongo." Basi na Waumini wajihadhari na sifa hii mbaya ya kumuahidi Mola wake Mlezi ikiwa atapata makusudio yake fulani, basi bila shaka atafanya hivi na hivi, kisha hatimizi hilo. Kwa maana pengine Mwenyezi Mungu akamuadhibu kwa unafiki wake huo kama alivyowaadhibu hawa. Na Nabii - rehema na amani ziwe juu yake - alisema katika hadithi iliyothibiti katika 'Sahih Mbili,' “Alama za mnafiki ni tatu: anaposema, husema uongo, na anapofanya agano, anafanya hiana, na anapoahidi, anavunja ahadi." Basi mnafiki huyu ambaye alimuahidi Mwenyezi Mungu na akafanya agano naye kwamba ikiwa Mwenyezi Mungu atampa katika fadhila yake, hapana shaka atatoa sadaka, na atakuwa katika waliotengenea, alizungumza, lakini akasema uongo, na akafunga agano, lakini [akafanya] uhaini, na ahadi, lakini akaivunja ahadi hiyo.