At-Tawba

وَإِذَا مَآ أُنزِلَتْ سُورَةٌ نَّظَرَ بَعْضُهُمْ إِلَىٰ بَعْضٍ هَلْ يَرَىٰكُم مِّنْ أَحَدٍ ثُمَّ ٱنصَرَفُوا۟ ۚ صَرَفَ ٱللَّهُ قُلُوبَهُم بِأَنَّهُمْ قَوْمٌ لَّا يَفْقَهُونَ ۱۲۷

Na kauli yake:

{127} Yaani, wanafiki wanaotahadhari kwamba kuteremshiwa Sura inayowaambia yale yaliyo katika nyoyo zao. Na sura inapotereka ili waiamini na watende kwa mujibu wa yaliyomo, "hutazamana wao kwa wao" huku wameazimia kuacha kuifanyia kazi, wanangojea fursa itokee wanapokuwa mbali na macho ya Waumini, na husema: "Je, yuko yeyote anayewaona nyinyi? Kisha huondoka wakaenda” kwa kukwepa, na wanakwenda hali ya kuwa wamepeana mgongo; basi Mwenyezi Mungu akawalipa adhabu sawa na matendo yao. Kwa hivyo, namna walivyoacha kufanya matendo mema, “Mwenyezi akaziondoa nyoyo zao.” Yaani akazizuia kufikia haki na akaachilia mbali, "kwa kuwa hao ni kaumu wasiofahamu.” Kufahamu kwenye kuwanufaisha. Kwani kama wangefahamu, basi wangekuwa inapoteremshwa Sura wanaiamini na kuifuata amri yake. Na kinachokusudiwa katika haya ni kubainisha ukubwa wa kujiweka mbali kwao na jihadi na mengineyo miongoni mwa sheria za imani; kama alivyosema Yeye Mtukufu kuwahusu, “Na inapoteremshwa Sura madhubuti na vikatajwa ndani yake vita, utawaona wenye maradhi katika nyoyo zao wanakutazama mtazamo wa yule anayezimia kwa mauti.”