Al-An'aam

وَمِنَ ٱلْإِبِلِ ٱثْنَيْنِ وَمِنَ ٱلْبَقَرِ ٱثْنَيْنِ ۗ قُلْ ءَآلذَّكَرَيْنِ حَرَّمَ أَمِ ٱلْأُنثَيَيْنِ أَمَّا ٱشْتَمَلَتْ عَلَيْهِ أَرْحَامُ ٱلْأُنثَيَيْنِ ۖ أَمْ كُنتُمْ شُهَدَآءَ إِذْ وَصَّىٰكُمُ ٱللَّهُ بِهَـٰذَا ۚ فَمَنْ أَظْلَمُ مِمَّنِ ٱفْتَرَىٰ عَلَى ٱللَّهِ كَذِبًا لِّيُضِلَّ ٱلنَّاسَ بِغَيْرِ عِلْمٍ ۗ إِنَّ ٱللَّهَ لَا يَهْدِى ٱلْقَوْمَ ٱلظَّـٰلِمِينَ ۱۴۴

{144} Kisha akataja mfano wa hayo kuhusu ngamia na ng'ombe. Na alipobainisha ubatili wa kauli yao na ubovu wake, akawaambia jambo kauli ambayo hawana hila yoyote ya kutoka katika matokeo yake isipokuwa katika kufuata sheria ya Mwenyezi Mungu. “Nyinyi mlishuhudia Mwenyezi Mungu alipowausia?” Yaani, hamjabaki na isipokuwa madai ambayo hamna njia ya kuisadikisha na kuifanya kuwa sahihi. Nayo ni kusema kuwa: Mwenyezi Mungu alituusia hilo, na akatuteremshia ufunuo katika alivyowateremshia Mitume wake. Bali alituteremshia ufunuo ulio kinyume na yale waliyolingania Mitume na yale vitabu viliteremka nayo. Na huku ni kuzua uongo ambako hakuna yeyote asiyekujua. Na ndiyo maana akasema: “Basi ni nani dhalimu mkubwa kuliko yule aliyemzulia Mwenyezi Mungu uongo, ili awapoteze watu bila ya elimu?" Yaani, pamoja na uongo wake na kuzua kwake uongo dhidi ya Mwenyezi Mungu, makusudio yake kwa hilo yakiwa ni [kuwapoteza] waja wa Mwenyezi Mungu kutoka kwenye njia ya Mwenyezi Mungu bila ya ushahidi wa wazi kutoka Kwake, wala uthibitisho, wala hoja ya kiakili, wala andiko. "Hakika Mwenyezi Mungu hawaongoi kaumu madhalimu" ambao hawataki chochote isipokuwa dhuluma, na ukandamizaji, na kumzulia Mwenyezi Mungu uongo.