Fussilat

نَحْنُ أَوْلِيَآؤُكُمْ فِى ٱلْحَيَوٰةِ ٱلدُّنْيَا وَفِى ٱلْـَٔاخِرَةِ ۖ وَلَكُمْ فِيهَا مَا تَشْتَهِىٓ أَنفُسُكُمْ وَلَكُمْ فِيهَا مَا تَدَّعُونَ ۳۱

{31} Na wanawaambia pia kwa kuwaimarisha na kuwapa bishara njema: "Sisi ni vipenzi vyenu katika maisha ya dunia na katika Akhera." Wanawahimiza kufanya heri katika dunia na wanawapambia heri hiyo, wanawahofisha kutokana na maovu na wanaifanya kuwa mabaya katika nyoyo zao, wanawaombea kwa Mwenyezi Mungu na wanawatia nguvu katika nyakati za misiba na hofu, hasa wakati wa kifo na ukali wake na katika kaburi na giza lake, na katika siku ya Kiyama na vitisho vyake vizito, na katika njia iliyoko juu ya Jahannam, na katika Pepo wanawapongeza kwamba watapata utukufu wa Mola wao Mlezi na wanawaingilia kutokea katika kila mlango wakiwaambia: Amani iwe juu yenu kwa sababu ya mlivyosubiri! Basi ni mema mno malipo ya Nyumba ya Akhera. Pia wanawaambia: "Na humo mtapata kinachotamaniwa na nafsi zenu" tayari vimeshaandaliwa na kutayarishwa. "Na humo mtapata mtakavyovitaka" miongoni mwa vitu ambavyo mapenzi yenu yanafungamana navyo na mkaviitisha, kama vile kila aina ya raha na matamanio, ambayo hakuna jicho lililowahi kuyaona wala hakuna sikio lililowahi kuyasikia, na wala hayakuwahi kupita katika moyo wa mwanadamu yeyote.