As-Saaffaat

فَنَظَرَ نَظْرَةً فِى ٱلنُّجُومِ ۸۸ فَقَالَ إِنِّى سَقِيمٌ ۸۹ فَتَوَلَّوْا۟ عَنْهُ مُدْبِرِينَ ۹۰ فَرَاغَ إِلَىٰٓ ءَالِهَتِهِمْ فَقَالَ أَلَا تَأْكُلُونَ ۹۱ مَا لَكُمْ لَا تَنطِقُونَ ۹۲ فَرَاغَ عَلَيْهِمْ ضَرْبًۢا بِٱلْيَمِينِ ۹۳

{88 - 93} Basi yeye, amani iwe juu yake, akataka kuyavunja masanamu yao na aweze kufanya hivyo. Kwa hivyo, akaichukua fursa hiyo ilhali hawajui walipokuwa wamekwenda kwenye moja ya sikukuu zao, naye pia akatoka pamoja nao. "Kisha akapiga jicho kutazama nyota. Akasema: 'Hakika mimi ni mgonjwa!'" Imesimuliwa katika hadithi sahihi kuwa: “Ibrahim, amani iwe juu yake, hakusema uongo ila uongo tatu: kauli yake: 'Mimi ni mgonjwa,' na kauli yake: 'Bali amefanya hayo huyu mkubwa wao,' na kauli yake kuhusu mkewe: 'Yeye ni dada yangu.'" Makusudio ya kufanya hivyo ni ili asalie nyuma yao aweze kukamilisha njama yake dhidi ya miungu yao hiyo. Ndiyo maana "wakamwacha, wakampa kisogo wakienda." Basi alipoipata nafasi hiyo, "akaiendea miungu yao kwa siri, akaiambia" kwa njia ya kejeli "Mbona hamli? Kwa nini hamuongei?" Yaani, vipi inafaa kuabudiwa ilhali ni mipungufu hata kuliko wanyama wanaokula na kuzungumza, na hali hiyo ni vitu visivyo na uhai ambavyo havili wala havisemi? "Kisha akaigeukia kuipiga kwa mkono wa kulia." Na akaivunja vipande vipande ila kubwa lao, ili wao walirudie.