Yunus

وَٱلَّذِينَ كَسَبُوا۟ ٱلسَّيِّـَٔاتِ جَزَآءُ سَيِّئَةٍۭ بِمِثْلِهَا وَتَرْهَقُهُمْ ذِلَّةٌ ۖ مَّا لَهُم مِّنَ ٱللَّهِ مِنْ عَاصِمٍ ۖ كَأَنَّمَآ أُغْشِيَتْ وُجُوهُهُمْ قِطَعًا مِّنَ ٱلَّيْلِ مُظْلِمًا ۚ أُو۟لَـٰٓئِكَ أَصْحَـٰبُ ٱلنَّارِ ۖ هُمْ فِيهَا خَـٰلِدُونَ ۲۷

{27} Alipowataja wenza wa Pepo, akawataja wenza wa Moto, kwa hivyo akataja kwamba bidhaa zao ambazo walizichuma katika dunia hii ndiyo matendo mabaya yenye kumkasirisha Mwenyezi Mungu miongoni mwa aina mbalimbali za ukafiri, na ukadhibishaji, na aina mbalimbali za maasia, kwa hivyo malipo yao ni mabaya mfano wake. Yaani, malipo yatakayowawiya mabaya kulingana na yale waliyoyafanya miongoni mwa mabaya kulingana na hali zao tofauti tofauti. "Na watafunikwa na madhila” katika mioyo yao na hofu ya adhabu ya Mwenyezi Mungu ambayo hakuna yeyote awezaye kuwaondolea wala hakuna mlinzi yeyote awezaye kuwalinda kutokana nayo. Na madhila hayo yatafika katika sura zao za nje, mpaka yawe meusi katika nyuso zao "kama kwamba zimefunikwa na vipande vya usiku wa giza. Hao ndio wenza wa Moto. Wao, humo watadumu;” basi ni tofauti gani iliyopo kati ya makundi mawili haya? Na ni umbali ulioje kati yao? "Zipo nyuso siku hiyo zitakazong'ara. Zikimwangalia Mola wao Mlezi. Na zipo nyuso siku hiyo zitakazokunjana. Zikijua ya kuwa zitafikiwa na livunjalo uti wa mgongo." “Siku hiyo ziko nyuso zitakazonawiri. Zitacheka, zitafurahia. Na nyuso zingine siku hiyo zitakuwa na mavumbi. Giza totoro litazifunika. Hao ndio makafiri, waovu.”