Al-An'aam
Bu, as-Saʿdī’nin tefsirinin, IslamHouse.com’un saadi.islamenc.com adresinde yayımladığı hâliyle bir çevirisidir; o sitenin sayfalarından okunmuştur. Site, kimin çevirdiğini ya da hangi basılı neşri izlediğini söylemez ve metnini almak için hiçbir şart belirtmez; bu yüzden bunu gösterme hakkı doğrulanmamıştır. Kimse bunu basılı bir kitapla karşılaştırmadı ve hiçbir âlim gözden geçirmedi. Her bölüm, yorumladığı âyetlerin yanında durur; bu âyetler Tanzil’in Kur’ân metnidir, orada olduğu gibi gösterilir; sitenin kendine ait bir yorum vermediği bir âyet kendisinden önceki bölümle birlikte durur ve dizin böyle her âyeti adıyla anar. Sabīl bunun hiçbirini yazmamış ve çevirmemiştir.
Metin kaynağı:saadi.islamenc.comIslamHouse.comnone stated (the site names no licence and no terms for taking its text)2026-10-22 tarihinde alındı
وَهُوَ ٱلْقَاهِرُ فَوْقَ عِبَادِهِۦ ۖ وَيُرْسِلُ عَلَيْكُمْ حَفَظَةً حَتَّىٰٓ إِذَا جَآءَ أَحَدَكُمُ ٱلْمَوْتُ تَوَفَّتْهُ رُسُلُنَا وَهُمْ لَا يُفَرِّطُونَ 61
{61} "Na Yeye" mtukufu ni "Mwenye nguvu za kushinda juu ya waja wake." Kunatekelezeka kwao kutaka kwake kwa ujumla, na mapenzi yake ya ujumla, kwa hivyo wao hawana mamlaka yoyote juu ya jambo hili, na wala hawasongi wala hawatulii isipokuwa kwa idhini yake. Na licha ya haya, Amewawekea waja walinzi miongoni mwa Malaika wanaomlinda mja na wanamhifadhia yale aliyoyafanya. Kama alivyosema Mwenyezi Mungu Mtukufu, "Na hakika bila ya shaka wapo walinzi juu yenu. Waandishi wenye heshima. Wanayajua yale mnayoyatenda." "Wanaokaa kuliani na kushotoni. Hatamki neno lolote, isipokuwa karibu yake yupo mwangalizi aliye tayari;" basi huu ndio ulinzi wake kwao katika hali ya uhai; "mpaka mmoja wenu yakimjia mauti wajumbe wetu humfisha." Yaani, Malaika waliopewa jukumu ya kuchukua roho, "nao hawafanyi upungufu wowote" katika hilo. Basi hawaongezi hata saa moja katika yale aliyohukumu Mwenyezi Mungu na akajalia, wala hawapunguzi, wala hawatekelezi katika hilo isipokuwa kwa amri za Mwenyezi Mungu na mapitisho ya Mwenyezi Mungu.