Al-Baqara
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
أُو۟لَـٰٓئِكَ عَلَىٰ هُدًى مِّن رَّبِّهِمْ ۖ وَأُو۟لَـٰٓئِكَ هُمُ ٱلْمُفْلِحُونَ 5
(5) “Hao” yani wale walioelezwa kwa sifa njema hizi “wapo juu ya uwongofu utokao kwa Mola wao Mlezi;” yaani, juu ya uwongofu mkubwa, kwa sababu ukawaida (yaani siyo jina maalum) uliopo ndani yake (yaani neno uwongofu) umekusudiwa kutukuza. Na uwongofu upi ambao ni mkubwa kuliko zile sifa zilizotajwa ambazo zinajumuisha itikadi (Imani) sahihi na matendo yaliyonyooka? Na je, sivyo kuwa uwongofu wa hakika siyo isipokuwa uwongofu wao, na kishichokuwa hilo katika yale yanayoupinga basi ni upotovu? Na alitumia neno "’alaa" (juu ya) mahali hapa kuashiria (hali ya) kuwa juu. Na katika upotovu hutumia neno “fii (katika).” Kama katika kauli yake, “Na hakika sisi au nyinyi bila ya shaka tuko juu ya uwongofu au katika upotovu ulio wazi;” kwa sababu mwenye uwongofu yuko juu (ametukuka) kwa sababu ya uwongofu, na yuko juu na ameinuka kwa sababu yake; naye mwenye upotovu amedidimia ndani yake, na anadharauliwa. Kisha akasema “na hao ndio waliofaulu;” na kufaulu ni kufikia mahitaji na kuokoka kutokana na chenye kuhofisha. Na amethibiti kufaulu katika hao peke yao kwa sababu hakuna njia ya kufaulu isipokuwa kwa kufuata njia yao. Na zisizokuwa njia hiyo ni njia za upotovu, maangamio na hasara ambazo humpeleka mwenye kuzifuata katika maangamio. Kwa sababu hiyo, alipotaja sifa za Waumini wa kweli, alitaja sifa za makafiri wanaodhihirisha ukafiri wao, wanaompinga Mtume, akasema: