Al-Baqara
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
مَثَلُهُمْ كَمَثَلِ ٱلَّذِى ٱسْتَوْقَدَ نَارًا فَلَمَّآ أَضَآءَتْ مَا حَوْلَهُۥ ذَهَبَ ٱللَّهُ بِنُورِهِمْ وَتَرَكَهُمْ فِى ظُلُمَـٰتٍ لَّا يُبْصِرُونَ 17
(17) Yani mfano wao unaoingiana na walivyo ni mfano wa yule aliyewasha moto, yani alikuwa katika giza kubwa na akihitaji moto vikubwa. Basi akauwasha kutoka kwa mtu mwingine, na haukuwa tayari pamoja naye, bali alichukua kutoka kwa mwingineye. Pindi moto ulipoangaza vilivyokuwa kandokando yake, na akatazama mahali ambapo yeye yupo na hofu iliyopo hapo, na amani yake (moto huo), na akanufaika na moto huo, na macho yake yakaburudika kwa moto huo; na akadhani kuwa ana uwezo juu yake. Basi, alipokuwa hivyo, hapo Mwenyezi Mungu akaiondoa nuru yake, kwa hivyo, nuru hiyo ikamtoka na furaha ikaondoka pamoja nao, na akabaki ndani ya giza totoro na moto wenye kuchoma. Kwa hivyo, kule kuangaza kulikokuwa ndani yake kukaondoka, na kukabaki kule kuchoma kuliomo ndani yake, basi akabaki katika giza mbalimbali: giza la usiku, giza la mawingu, giza la mvua na giza lilichotokea baada ya nuru hiyo. Basi inakuaje hali ya huyu anayeelezwa? Kadhalika, wanaafiki hawa waliwasha moto wa imani kutoka kwa Waumini, na haikuwa sifa yao. Basi wakapata mwangaza wake kwa muda, na wakanufaika. Kwa hivyo, damu zao zikahifadhika kwa hilo, na mali zao zikasalia salama, na wakapata usalama fulani katika dunia hii. Na walipokuwa hivyo, mauti yakawashambulia ghafla na yakawanyang'anya kunufaika na nuru hiyo, na wakapatwa na kila wasiwasi na dhiki na adhabu. Na wakapatwa na giza la kaburini, na giza la ukafiri, na giza la unafiki, na giza la maasia kwa aina zake mbalimbali. Na baada ya hayo, giza la Moto, na ni makazi mabaya mno. Ndio maana Mwenyezi Mungu alisema kuwahusu: