At-Tawba

وَلَا تُصَلِّ عَلَىٰٓ أَحَدٍ مِّنْهُم مَّاتَ أَبَدًا وَلَا تَقُمْ عَلَىٰ قَبْرِهِۦٓ ۖ إِنَّهُمْ كَفَرُوا۟ بِٱللَّهِ وَرَسُولِهِۦ وَمَاتُوا۟ وَهُمْ فَـٰسِقُونَ ۸۴

{84} Yeye Mtukufu Anasema: "Wala usimsalie kabisa yeyote katika wao akifa" miongoni mwa wanafiki, "wala usisimame kaburini kwake" baada ya kuzikwa ili umuombee dua. Kwa maana kuswali kwake na kusimama kwake kwenye makaburi yao ni uombezi wake kwao, nao uombezi hauwafai kitu. "Hakika hao walimkufuru Mwenyezi Mungu na Mtume wake, na wakafa na hali ni wamevuka mipaka." Na yule ambaye ni kafiri na akafa katika hali hiyo, basi Uombezi wa waombezi hautamnufaisha kitu. Na katika hilo kuna mazingatia kwa wengineo, na karipio, na adhabu kwao. Na kadhalika kila anayejulikana kuwa na ukafiri na unafiki, basi yeye haswaliwi. Na katika Aya hii kuna ushahidi juu ya sheria ya uhalali wa kuwaswalia Waumini na kusimama kwenye makaburi yao ili kuwaombea dua, kama alivyokuwa Nabii – rehema na amani za Mwenyezi Mungu ziwe juu yake – hivyo kwa waumini. Kwa maana, kufungia katazo hili kwa wanafiki kunaonyesha kuwa lilikuwa limethibiti kuhusiana na waumini.