At-Tawba

مَا كَانَ لِلنَّبِىِّ وَٱلَّذِينَ ءَامَنُوٓا۟ أَن يَسْتَغْفِرُوا۟ لِلْمُشْرِكِينَ وَلَوْ كَانُوٓا۟ أُو۟لِى قُرْبَىٰ مِنۢ بَعْدِ مَا تَبَيَّنَ لَهُمْ أَنَّهُمْ أَصْحَـٰبُ ٱلْجَحِيمِ ۱۱۳

{113} Yaani, haimfailii Nabii na Waumini wala sio vizuri kwao "kuwaombea msamaha washirikina.” Yaani, yule aliyemkufuru na akaabudu asiyekuwa yeye pamoja naye, "hata wakiwa ni jamaa zao, baada ya kwisha wabainikia kuwa hao ni watu wa Motoni.” Kwa maana kuwaombea msamaha katika hali hii ni kosa, na hakuna faida. Basi haiwafailii Nabii na Waumini kwamba wanapokufia katika ushirikina au ikajulikana kuwa watakufa wakiwa hivyo, basi neno la adhabu linakuwa limeshawajibika juu yao, na ikawajibika kwao kudumu katika Moto, na wala uombezi wa waombezi wala kuomba msamaha kwa wanaoomba msamaha hakutawafaa. Na pia, ni juu ya Nabii na wale walioamini pamoja naye waafikiane na Mola wao Mlezi katika radhi yake na ghadhabu yake, na wawe marafiki wa yule ambaye Mwenyezi Mungu amemfanya kuwa rafiki, na wawe adui kwa yule ambaye Mwenyezi Mungu amemfanya kuwa adui. Na kuwaombea kwao maghufira kwa yule aliyebainika kwamba yeye ni katika wenza wa Moto kunapingana na hilo na ni kinyume nalo.