Al-Anfaal

وَلَا تَكُونُوا۟ كَٱلَّذِينَ خَرَجُوا۟ مِن دِيَـٰرِهِم بَطَرًا وَرِئَآءَ ٱلنَّاسِ وَيَصُدُّونَ عَن سَبِيلِ ٱللَّهِ ۚ وَٱللَّهُ بِمَا يَعْمَلُونَ مُحِيطٌ ۴۷

{47} Na mumnyenyekee Mola wenu Mlezi, na mumdhalilikie, "Wala msiwe kama wale waliotoka katika majumba yao kwa fahari na kujionyesha kwa watu, na wakiwazuilia watu Njia ya Mwenyezi Mungu.” Yaani, haya ndiyo makusudio yao ambayo walitoka kwa ajili yake, na hayo ndiyo yaliyowatoa nje ya maskani yao wakikusudia uovu na ufahari katika ardhi, na ili watu wawaone na kujivuna mbele yao. Na makusudio makubwa ni kwamba walitoka ili wamzuie njia ya Mwenyezi Mungu yule anayetaka kuifuata. “Na Mwenyezi Mungu ameyazunguka yote wanayoyafanya.” Na kwa sababu ya hilo akawajulisha makusudio yao na akatahadharisha kuwaiga wao, kwa maana atawaadhibu kwa hilo adhabu kali zaidi. Basi na yawe makusudio yenu katika kutoka kwenu ni uso wa Mwenyezi Mungu Mtukufu, na kuiinua Dini ya Mwenyezi Mungu, na kuzuia njia zinazofikisha kwenye ghadhabu ya Mwenyezi Mungu na adhabu yake, na kuwavutia watu kwenye njia nyoofu ya Mwenyezi Mungu inayofikisha katika mabustani ya neema.