Al-Anfaal

إِن تَسْتَفْتِحُوا۟ فَقَدْ جَآءَكُمُ ٱلْفَتْحُ ۖ وَإِن تَنتَهُوا۟ فَهُوَ خَيْرٌ لَّكُمْ ۖ وَإِن تَعُودُوا۟ نَعُدْ وَلَن تُغْنِىَ عَنكُمْ فِئَتُكُمْ شَيْـًٔا وَلَوْ كَثُرَتْ وَأَنَّ ٱللَّهَ مَعَ ٱلْمُؤْمِنِينَ ۱۹

{19} "Mkiomba ushindi" enyi washirikina! Yaani, mkimuomba Mwenyezi Mungu awape mateso yake na adhabu yake wale waliovuka mipaka madhalimu, "basi msaada wa ushindi ulikwisha wajia" wakati Mwenyezi Mungu alipowatia mateso yake ambayo yalikuwa ni adhabu kwenu na mazingatio kwa wachamungu. "Na mkikomeka" kuomba ushindi, "basi hilo ndilo heri kwenu" kwa sababu huenda akawapa muhula, wala asiwaharakishie adhabu. "Na mkirejea;" katika kuomba ushindi na kupigana vita na kundi la Mwenyezi Mungu walio Waumini "sisi pia tutarejea" katika kuwanusuru wao dhidi yenu, "Na kundi lenu halitawanufaisha." Yaani, hawatawafaa kitu wasaidizi wenu, na wale wanaowanusuru ambao mnapigana mkiwategemea. "Kwani hakika Mwenyezi yu pamoja na Waumini." Na yule ambaye Mwenyezi Mungu yuko pamoja naye, basi yeye ndiye aliyenusuruwa, hata kama ni dhaifu, mwenye idadi chache. Ufuatano huu ambao Mungu alisema kuwa anawaunga mkono waumini utakuwa sawa na matendo ya imani waliyoyafanya. Adui akiwageukia Waumini nyakati fulani; haya si chochote ila ni uzembe wa waumini na kushindwa kutimiza wajibu na matakwa ya imani, vinginevyo; ikiwa walifanya yale ambayo Mungu aliwaamuru kwa kila njia; waliposhindwa, bendera yao ilishindwa kabisa, na adui yao hakuwahi kuwasaliti.