Al-An'aam

إِنَّ رَبَّكَ هُوَ أَعْلَمُ مَن يَضِلُّ عَن سَبِيلِهِۦ ۖ وَهُوَ أَعْلَمُ بِٱلْمُهْتَدِينَ ۱۱۷

{117} Na yule ambaye ni namna hii, basi mwenyezi Mungu anafaa zaidi kuwaonya waja wake kuhusiana naye, na awaeleze hali zake. Kwa sababu hata kama haya anaambiwa Nabii -rehema na amani ziwe juu yake, - Ummah wake wanachukua kiigizo kwake katika hukumu zote ambazo si maalumu kwake tu, na Mwenyezi Mungu Mtukufu ndiye mkweli zaidi wa usemi, na mkweli zaidi wa maneno. Na "ndiye Anayejua vyema yule aliyepotea Njia yake," naye ndiye anayejua vyema anayeongoka, na wa kumuongoa. Kwa hivyo, enyi Waumini, ni lazima mfuate nasaha zake, na amri zake, na makatazo yake. Kwa sababu Yeye ndiye anayejua zaidi masilahi yenu, na mwenye rehema zaidi kwenu kuliko nyinyi wenyewe kwa nafsi zenu. Na Aya hii iliashiria kwamba idadi kubwa ya watu wanaofuata jambo haionyeshi kuwa ndiyo haki, wala idadi ndogo ya watu wanaofuata jambo haionyeshi kuwa si haki. Bali uhakika wa mambo uko kinyume cha hayo. Kwa kuwa Watu wa haki ndio wachache zaidi kwa idadi, na ndio wakubwa wa cheo na malipo kwa Mwenyezi Mungu. Bali, kinachotakiwa ni kutumia njia zinazofikisha kwa haki au batili kuwa ndizo ushahidi wake.