Al-Mujaadila

يَـٰٓأَيُّهَا ٱلَّذِينَ ءَامَنُوٓا۟ إِذَا نَـٰجَيْتُمُ ٱلرَّسُولَ فَقَدِّمُوا۟ بَيْنَ يَدَىْ نَجْوَىٰكُمْ صَدَقَةً ۚ ذَٰلِكَ خَيْرٌ لَّكُمْ وَأَطْهَرُ ۚ فَإِن لَّمْ تَجِدُوا۟ فَإِنَّ ٱللَّهَ غَفُورٌ رَّحِيمٌ ۱۲

{12} Mwenyezi Mungu Mtukufu anawaamrisha Waumini kutoa sadaka mbele ya mazungumzo yao ya siri na Mtume Wake Muhammad – rehema na amani za Mwenyezi Mungu ziwe juu yake – ili kuwaonyesha adabu nzuri, kuwaelimisha na kumheshimu Mtume - rehema na amani ziwe juu yake. Kwa sababu heshima hii ni bora kwa Waumini na safi zaidi. Kwani kwa kufanya hivyo, wema wenu na malipo yenu yanazidi kuwa mengi, na mtapata utakaso kutokana na uchafu, ambao ni pamoja na kuacha kumheshimu Mtume - rehema na amani za Mwenyezi Mungu zimshukie, – na pia kuacha kuwa na adabu nzuri mbele yake kwa kuzungumza mazungumzo ya mengi ambayo hayana matunda. Iwapo ataamrisha kutoa sadaka kabla ya mtu kumnong’onezea, hilo linakuwa ni mizani inayoonyesha mwenye bidii ya kufatuta elimu na heri, naye hatajali uzito wa kutoa sadaka hiyo, mbali na yule asiyekuwa na bidii wala hamu ya kufanya heri, yule ambaye lengo lake ni kuzungumza mengi tu. Basi huyu atazuilika kwa hilo asifanye kilicho kigumu kwa Mtume. Hilo ni kwa yule ambaye anaweza kupata sadaka. Ama yule asiyeweza kupata sadaka, basi Mwenyezi Mungu hakufanya jambo hili kuwa gumu. Bali alimsamehe na kumruhusu kumnong’onezea bila ya kutoa sadaka ambayo hawawezi kutoa.