An-Nisaa

يَـٰٓأَيُّهَا ٱلنَّاسُ قَدْ جَآءَكُم بُرْهَـٰنٌ مِّن رَّبِّكُمْ وَأَنزَلْنَآ إِلَيْكُمْ نُورًا مُّبِينًا ۱۷۴

{174} Yeye Mtukufu anawabainishia neema yake watu wote kwa sababu ya kile alichowafikishia miongoni mwa ushahidi wa uhakika na nuru iliyo wazi, ili kusimamisha hoja juu yao na kuwabainishia njia ya uwongofu. Akasema, "Enyi watu! Hakika umekwisha wafikia ushahidi kutoka kwa Mola wenu Mlezi." Yaani, hoja za uhakika juu ya haki, zenye kuibainisha, na kuiweka wazi, na zinabainisha kinyume chake. Na hili linajumuisha ushahidi wa kiakili na wa kimaandiko, na ishara za upeo wa macho na za kisaikolojia, "utawaonyesha Ishara zetu katika upeo wa mbali na katika nafsi zao wenyewe mpaka iwabainikie kwamba haya ni kweli." Na katika kauli yake, "Kutoka kwa Mola wenu Mlez,"} kuna kinachoonyesha utukufu wa ushahidi huu na ukubwa wake. Kwa kuwa umetoka kwa Mola wenu Mlezi aliyekulea kwa malezi ya kidini na ya kidunia. Na katika malezi yake kwenu amabyo anasifiwa kwa huo, na kushukuriwa ni kwamba aliwafikishia hoja zilizo wazi ili awaongoze kwazo kwenye Njia iliyonyooka yenye kufikisha katika Mabustani yenye neema. Na akateremsha "kwenu nuru iliyo wazi." Nayo ni Qur-ani hii tukufu, ambayo imejumuisha elimu za watu wa mwanzo na wa mwisho, na habari za kweli, zenye manufaa, na amri ya kila uadilifu, na wema, na heri, na kukataza kila dhuluma na uovu. Basi Watu wako katika giza ikiwa hawajaiangaza kwa nuru zake. Na katika taabu kubwa ikiwa hawatachukua katika heri yake.