As-Saaffaat

وَلَقَدْ مَنَنَّا عَلَىٰ مُوسَىٰ وَهَـٰرُونَ ۱۱۴ وَنَجَّيْنَـٰهُمَا وَقَوْمَهُمَا مِنَ ٱلْكَرْبِ ٱلْعَظِيمِ ۱۱۵ وَنَصَرْنَـٰهُمْ فَكَانُوا۟ هُمُ ٱلْغَـٰلِبِينَ ۱۱۶ وَءَاتَيْنَـٰهُمَا ٱلْكِتَـٰبَ ٱلْمُسْتَبِينَ ۱۱۷ وَهَدَيْنَـٰهُمَا ٱلصِّرَٰطَ ٱلْمُسْتَقِيمَ ۱۱۸ وَتَرَكْنَا عَلَيْهِمَا فِى ٱلْـَٔاخِرِينَ ۱۱۹ سَلَـٰمٌ عَلَىٰ مُوسَىٰ وَهَـٰرُونَ ۱۲۰ إِنَّا كَذَٰلِكَ نَجْزِى ٱلْمُحْسِنِينَ ۱۲۱ إِنَّهُمَا مِنْ عِبَادِنَا ٱلْمُؤْمِنِينَ ۱۲۲

{114 - 122} Mwenyezi Mungu Mtukufu anataja neema zake kwa waja wake na Mitume wake - Musa na Harun, na wana wa Imran kwa kuwapa Unabii, Utume, kulingania kwa Mwenyezi Mungu, kuwaokoa wao na watu wao kutoka kwa adui yao Firauni na kuwapa ushindi dhidi yao mpaka Mwenyezi Mungu akamzamisha ilhali wanatazama. Pia Mwenyezi Mungu akawateremshia Kitabu kinachobainisha ambacho ni Taurati, ambayo ndani yake kuna hukumu, mawaidha na maelezo ya kina ya kila kitu. Na kwamba Mwenyezi Mungu aliwaongoa kwenye njia iliyonyooka kwa kuwawekea dini yenye hukumu na sheria zilizonyooka zenye kufikisha kwa Mwenyezi Mungu, na akawawezesha kuifuata. "Na tukawaachia (sifa njema) katika watu waliokuja baadaye. Iwe salama kwa Musa na Haruni!" Yaani aliwafanya wasifiwe katika watakaokuja baadaye, kwa hivyo kusifiwa kwao katika waliotangulia ni kwingi zaidi. "Hakika hivyo ndivyo tunavyowalipa walio wema. Hakika wawili hao ni katika waja wetu walioamini."