Aal-i-Imraan

هَـٰذَا بَيَانٌ لِّلنَّاسِ وَهُدًى وَمَوْعِظَةٌ لِّلْمُتَّقِينَ ۱۳۸

{138} “Huu ni ubainisho kwa watu wote.” Yani dalili iliyo dhahiri yenye kuwabainishia watu haki kutokana na batili, na watu wa furaha kutokana na watu wa taabu. Nayo ni ishara kwa yale aliyowafanyia Mwenyezi Mungu wakadhibishaji. “Na ni uwongofu, na mawaidha kwa wachamungu.” Kwa sababu ndio wanaonufaika na Aya, basi zikawaongoza kwenye njia ya uwongofu, na zinawapa mawaidha, na zinawakemea kutokana na njia ya upotovu. Na ama watu waliobakia, hizo ni ubainisho kwao ambao kwa huo inasimama hoja juu yao kutoka kwa Mwenyezi Mungu. Ili aangamie mwenye kuangamia kwa dalili zilizo wazi. Na inawezekana kuwa ishara katika kauli yake, “Huu ni ubainisho kwa watu;” ni kwa Qur-ani Tukufu na Ukumbusho wenye hekima. Na kwamba ni ubainisho kwa watu kwa ujumla, na uwongofu na mawaidha kwa wachamungu hasa. Na maana mbili hizi zote ni za kweli.