An-Naml

وَإِذَا وَقَعَ ٱلْقَوْلُ عَلَيْهِمْ أَخْرَجْنَا لَهُمْ دَآبَّةً مِّنَ ٱلْأَرْضِ تُكَلِّمُهُمْ أَنَّ ٱلنَّاسَ كَانُوا۟ بِـَٔايَـٰتِنَا لَا يُوقِنُونَ ۸۲

{82} Yaani, itakapowaangukia watu "kauli" ambayo Mwenyezi Mungu alipitisha na akaiwekea muda maalumu "tutawatolea mnyama katika ardhi" ambaye si kutoka mbinguni, na mnyama huyu "atawasemesha, ya kuwa watu walikuwa hawana yakini na Ishara zetu." Kwa kuwa watu walidhoofika katika elimu yao na katika yakini yao juu ya ishara za Mwenyezi Mungu. Kwa hivyo Mwenyezi Mungu kumdhihirisha mnyama huyu ni katika ishara za kimiujiza za Mwenyezi Mungu; ili awabainishie watu yale walikuwa wakiyashuku. Na mnyama huyu maarufu ambaye atatoka katika zama za mwisho, na atakuwa katika alama za Saa ya Kiyama; kama zilivyokuja hadithi nyingi zikisimulia hivyo [Mwenyezi Mungu na Mtume wake hawakutaja jinsi namna alivyo mnyama huyu, lakini walitaja tu athari zake na makusudio yake, na kwamba ni katika ishara za Mwenyezi Mungu; ambaye atawaongelesha watu maneno yasiyo ya kawaida wakati neno litawaangukia watu. Na wakati watakapokuwa wanazitilia shaka Ishara za Mwenyezi Mungu; na hapo atakuwa ni hoja na ushahidi kwa Waumini, na hoja juu ya wale wanaompinga Mwenyezi Mungu.]