Ash-Shu'araa

فَأَخْرَجْنَـٰهُم مِّن جَنَّـٰتٍ وَعُيُونٍ ۵۷ وَكُنُوزٍ وَمَقَامٍ كَرِيمٍ ۵۸ كَذَٰلِكَ وَأَوْرَثْنَـٰهَا بَنِىٓ إِسْرَٰٓءِيلَ ۵۹

{57-59} Kwa hivyo Firauni na askari wake wakatoka nje katika jeshi kubwa na watu wote, na hakuna aliyesalia nyuma miongoni mwao isipokuwa wenye udhuru tu wasioweza kutoka. Mwenyezi Mungu Mtukufu alisema, "Basi tukawatoa katika mabustani na chemchemi;" yaani, bustani za Misri za kifahari na mito inayotiririka na mimea iliyojaa katika ardhi zao na ikaimarishwa kwayo miji yao na vijiji vyao. "Na vyeo vya heshima" ambavyo watazamaji wanapendezwa navyo na ni pumbao kwa wanaovitafakari. Walivifurahia kwa muda mrefu, na wakakata maisha marefu katika raha zake na matamanio yake pamoja na ukafiri wao, ukaidi wao, na kiburi chao juu ya waja na upotofu mkubwa. "Vivyo hivyo, na tukawarithisha hayo Wana wa Israili," ambao walikuwa watumwa wao hapo awali, na wakawatia katika kazi zao ngumu. Basi ametakasika yule anayempa ufalme amtakaye, na anauondoa kwa amtakaye, na humtukuza umtakaye kwa utiifu wake, na humuangusha umtakaye kwa maasia yake.