Al-Furqaan

وَهُوَ ٱلَّذِى جَعَلَ ٱلَّيْلَ وَٱلنَّهَارَ خِلْفَةً لِّمَنْ أَرَادَ أَن يَذَّكَّرَ أَوْ أَرَادَ شُكُورًا ۶۲

{62} "Naye ndiye aliyefanya usiku na mchana kufuatana" milele na wala havikutani wala haviondoki vyote. "Kwa nafuu ya yule anayetaka kukumbuka, au anayetaka kushukuru." Na avitumie kama ushahidi juu ya matashi mengi ya kimungu. Basi ana zamu katika usiku au mchana. Na mwenye kupitwa na zamu yake katika moja yake, anaweza kuipata katika ile nyingine. Na tena kwa upande mwingine, mioyo hubadilika na kugeuka katika masaa ya usiku na mchana, kwa hivyo inakuwa na nguvu, uvivu, kukumbuka, kughafilika, kujikunja, kupanuka, kukubali mambo na kuyakataa. Kwa hivyo Mwenyezi Mungu akafanya usiku na mchana kuwajia waja kwa kufuatana na kurudia; ili kwa viwili hivyo awafanye kukumbuka, kuwa na nguvu, na kumshukuru Mwenyezi Mungu wakati mwingine. Na kwa sababu nyakati za ibada hurudia kwa sababu ya kurudiarudia kwa usiku na mchana. Na kila nyakati zinaporudia, hilo linamfanya mja kuwa na hima isiyokuwa hima ile iliyokuwa imezembea katika wakati uliopita, kwa hivyo wakazidi kukumbuka na kushukuru. Na kazi ya mambo ya utii ni kama kuinywesha imani na kuizidisha. Na kama haingekuwa hivyo, basi mmea wa imani ungefifia na kukauka. Basi ni za Mwenyezi Mungu sifa kamili juu ya hilo.