Al-Muminoon

فَقَالُوٓا۟ أَنُؤْمِنُ لِبَشَرَيْنِ مِثْلِنَا وَقَوْمُهُمَا لَنَا عَـٰبِدُونَ ۴۷

{47} "Walisema," kwa kiburi na kuwatahadharisha wenye akili dhaifu na kugeuza uhakika wa mambo, "Je, tuwaamini watu wawili hawa kama sisi," kama walivyosema hayo hayo wale wa kabla yao, nyoyo zao zilifanana katika ukafiri wake, kwa hivyo maneno yao na vitendo vyao vikafanana, na wakaikataa neema ya ujumbe wa Mwenyezi Mungu juu yao. "Na ambao kaumu yao," yaani Wana wa Israili, "ni watumwa wetu," wanaotufanyia kazi na shughuli ngumu? Kama Mwenyezi Mungu Mtukufu alivyosema, "Na vile tulipowaokoa kutoka kwa watu wa Firauni waliowapa adhabu mbaya, wakiwachinja wana wenu wa kiume na wakawaacha hai wanawake wenu, na katika hayo ulikuwa ni mtihani mkubwa uliotoka kwa Mola wenu Mlezi." Basi tutawafuatwaje baada ya kwamba sisi ndio tulikuwa tukifuatwa? Na hawa wanawezaje kuwa viongozi wetu? Na mfano wa kauli yao hii, ni kaumu ya Nuhu waliposema, "Je, tukuamini wewe, ilhali wanaokufuata ni watu duni?" Na kauli yao, "Hatukuoni wewe isipokuwa ni mtu tu kama sisi, wala hatukuoni, wamekufuata isipokuwa wale walio duni katika sisi, wasiokuwa hata na akili."