Al-Israa

قُلْ كُونُوا۟ حِجَارَةً أَوْ حَدِيدًا ۵۰ أَوْ خَلْقًا مِّمَّا يَكْبُرُ فِى صُدُورِكُمْ ۚ فَسَيَقُولُونَ مَن يُعِيدُنَا ۖ قُلِ ٱلَّذِى فَطَرَكُمْ أَوَّلَ مَرَّةٍ ۚ فَسَيُنْغِضُونَ إِلَيْكَ رُءُوسَهُمْ وَيَقُولُونَ مَتَىٰ هُوَ ۖ قُلْ عَسَىٰٓ أَن يَكُونَ قَرِيبًا ۵۱

{50 - 51} Na kwa sababu hiyo alimwamrisha Mtume wake -rehema na amani za Mwenyezi Mungu zimshukie - kwamba awaambie hawa waliokanusha kufufuliwa kwa kuona kwamba hilo haliwezekani. "Sema: kuweni hata mawe na chuma. Au umbo lolote mnaloliona kubwa katika vifua vyenu." Ili msalimike kwa hilo - kwa madai yenu - kwamba nguvu za Mwenyezi Mungu hazitawafikia wala kwamba mapenzi yake hayatatekelezeka kwenu. Hakika nyinyi hamwezi kumshinda Mwenyezi Mungu katika hali yenu yoyote na katika sifa yoyote mnayoibadilikia. Nanyi wenyewe hamuwezi hata kuendesha chochote katika hali ya uhai wenu wala baada ya kifo. Basi acheni uendeshaji wa mambo na ubadilishaji wa mambo kwa Yule ambaye ni Muweza wa kila kitu na aliyezunguka kila kitu. "Watasema" wakati unapowasimamishia hoja juu ya ufufuo, "Ni nani atakayeturudisha tena? Sema: Yule yule aliyewaumba mara ya kwanza!" Kama alivyowaumba na hamkuwa chochote cha kukumbukwa, basi hakika yeye atawarudisha umbo jipya; "kama tulivyoanza umbo la kwanza, tutalirudisha tena." "Watakutikisia vichwa vyao" kwa kukataa na kushangazwa na kile ulichosema. "Watasema: Ni lini hayo?" Yaani, itakuwa lini saa ya kufufuliwa hiyo ambayo unadai kwa mujibu wa kauli yako? Si kwa kukiri asili ya ufufuo, bali huo ni upumbavu na kutaka kwao kushinda. "Sema: Labda itakuwa hivi karibuni" Na hakuna faida yoyote katika kubainisha wakati wake hasa, bali manufaa na mazingatio ni katika kuamini uhakika wa kutokea kwake na kulikubali hilo, na kulithibitisha, vinginevyo, kila kitu kinachokuja, basi hicho kiko karibu.