Yunus

هُنَالِكَ تَبْلُوا۟ كُلُّ نَفْسٍ مَّآ أَسْلَفَتْ ۚ وَرُدُّوٓا۟ إِلَى ٱللَّهِ مَوْلَىٰهُمُ ٱلْحَقِّ ۖ وَضَلَّ عَنْهُم مَّا كَانُوا۟ يَفْتَرُونَ ۳۰

{30} Basi hapo, washirikina watajuta majuto yasiyoweza kuelezeka, na watajua kiwango cha yale waliyotanguliza katika matendo, na yale waliyofanya hapo zamani miongoni mwa sifa mbaya, na itawabainikia siku hiyo kwamba walikuwa waongo, na kwamba walikuwa wakimsingizia Mwenyezi Mungu. Ibaada zao zitapotea, na waabudiwa wao watatoweka, na zitakakika sababu zao na njia zao, na ndiyo maana Akasema, “Huko;” yaani, katika Siku hiyo “kila nafsi itayajua iliyoyatanguliza.” Yaani, zitayachunguza matendo yake na yale ziliyoyachuma, na zitafuatwa na malipo, na zitalipwa kulingana nayo, ikiwa ni ya heri, basi ni heri. Na ikiwa ni maovu, basi ni kwa uovu. “Na yote ya uongo waliyokuwa wakiyazua yatawapotea.” Yale waliyokuwa wakisema kwamba wanayofanya ya ushirikina ndiyo ya sahihi , na kwamba wale wanaoabudu badala ya Mwenyezi Mungu watawanufaisha na kuwaondolea adhabu.