البقرة

إِنَّمَا يَأْمُرُكُم بِٱلسُّوٓءِ وَٱلْفَحْشَآءِ وَأَن تَقُولُوا۟ عَلَى ٱللَّهِ مَا لَا تَعْلَمُونَ ١٦٩

“Yeye anakuamrisheni maovu,” yani shari ambayo ni mbaya kwa mwenyewe. Kwa hivyo, yanaingia katika hilo maasia yote, na inakuwa kauli yake, “na machafu;" katika mlango wa kutaja kilicho maalumu baada ya kilicho cha ujumla. Kwa sababu machafu katika dhambi ni yale ambayo ubaya ni mkubwa mno, kama vile uzinzi, unywaji pombe, uuaji, kukashifa mtu na machafu, ubakhili, na mfano wa hayo. Ambayo anayaona kuwa ni machafu hata yule asiyekuwa na akili timamu. “Na mumsingizie Mwenyezi Mungu mambo msiyoyajua.” Kwa hivyo, inaingia katika hilo kusema juu ya Mwenyezi Mungu bila ya elimu, katika sheria yake na majaliwa yake. Hivyo basi, mwenye kumsifu Mwenyezi Mungu kwa kitu ambacho hakujisifu kwacho nafsi yake, au Mtume wake hakumsifu kwacho. Au akanushe juu ya nafsi yake kile alichojithibitishia, au amthibitishie nafsi yake kile alichokikanusha juu ya nafsi yake. Basi atakuwa amesema juu ya Mwenyezi Mungu bila ya elimu. Na mwenye kudai kuwa Mwenyezi Mungu ana mwenza na masanamu; wanaomweka mwenye kuyaabudu karibu na Mwenyezi Mungu basi atakuwa amesema juu ya Mwenyezi Mungu bila ya elimu. Na mwenye kusema: Hakika, Mwenyezi Mungu ameruhusu hivi na hivi, au aliharamisha hivi na hivi, au aliamrisha hivi na hivi, au alikataza hivi na hivi bila ya elimu. Basi huyo atakuwa amesema juu ya Mwenyezi Mungu bila ya elimu. Na mwenye kusema: Mwenyezi Mungu aliumba aina hii ya viumbe kwa sababu fulani bila ya kuwa na dalili kwa hilo, basi atakuwa amesema juu ya Mwenyezi Mungu bila ya elimu. Na katika kusema kubwa juu ya Mwenyezi Mungu bila ya elimu, ni mwenye kufasiri anayafasiri maneno yake au maneno ya Mtume wake juu ya maana ambazo, kundi la watu wapotevu wameafikiana juu yake. Kisha akasema: Hakika Mwenyezi Mungu aliitaka (maana hii). Hivyo basi, kumsema juu ya Mwenyezi Mungu bila ya elimu ni miongoni mwa haramu kubwa mno na yenye kujumuisha zaidi. Na njia kubwa kabisa za Shetani ambazo analingania kwake. Na hizi ndizo njia za Shetani ambazo yeye na jeshi lake wanaita kwake, na wanatumia hila zao na hadaa zao katika kuwapoteza viumbe kwa kile wanachoweza kufanya. Na ama Mwenyezi Mungu Mtukufu, yeye kwa hakika anaamrisha uadilifu na ihsani, na kuwapa jamaa, na anakataza machafu, na maovu, na dhuluma. Basi mja ajifikirie kuwa yuko pamoja na yupi kati ya hao walinganiaji wawili na katika kundi lipi? Je, utamfuata mlinganiaji wa Mwenyezi Mungu ambaye anakutakia kheri na furaha ya duniani na Akhera? Ambaye kila mafanikio ni kwa kumtii? Na kila kufaulu ni katika kumtumikia yeye? Na faida zote ni katika kuamiliana na yule anayeneemesha neema za dhahiri na za ndani (zilizojificha)? Ambaye haamrishi isipokuwa kheri na hakatazi isipokuwa shari (maovu)? Au utamfuata mlinganiaji wa Shetani ambaye ni adui wa mtu ambaye anakutakia shari (maovu), na anajitahidi kukuangamiza duniani na Akhera? Ambaye kila shari (maovu) iko katika kumtii yeye? Na kila hasara iko katika kufanya kuwa msaidizi? Na ambaye haamrishi isipokuwa shari (maovu), na hakatazi isipokuwa ya heri?