At-Tawba

إِنَّمَا يَعْمُرُ مَسَـٰجِدَ ٱللَّهِ مَنْ ءَامَنَ بِٱللَّهِ وَٱلْيَوْمِ ٱلْـَٔاخِرِ وَأَقَامَ ٱلصَّلَوٰةَ وَءَاتَى ٱلزَّكَوٰةَ وَلَمْ يَخْشَ إِلَّا ٱللَّهَ ۖ فَعَسَىٰٓ أُو۟لَـٰٓئِكَ أَن يَكُونُوا۟ مِنَ ٱلْمُهْتَدِينَ 18

{18} Kisha akataja ni nani wanaoiimarisha misikiti ya Mwenyezi Mungu, kwa hivyo akasema: "Hakika anayeimarisha tu misikiti ya Mwenyezi Mungu ni yule anayemwamini Mwenyezi Mungu, na Siku ya Mwisho, na akasimamisha Sala" za wajibu na zile zinazopendekezwa, kwa kusimamisha kwa dhahiri yake na ndani, "na akatoa Zaka" akawapa wastahiki wake. "Na wala hakumnyenyekea isipokuwa Mwenyezi Mungu." Yaani alikufanya kunyenyekea kwake kwa ajili ya Mola wake Mlezi tu, kwa hivyo akaacha yale ambayo Mwenyezi Mungu aliharamisha, na wala hakupunguza haki za Mwenyezi Mungu za lazima. Kwa hivyo aliwaelezea kuwa wana imani yenye manufaa, na kufanya matendo mema ambayo mama yake ni sala, na Zaka, na kwa kumnyenyekea Mwenyezi Mungu, ambako ndiko msingi wa kila heri. Basi hawa ndio wanaoiimarisha misikiti kwa uhakika, na ndio wenyewe ambao ndio wastahiki wake. "Basi huenda hao wakawa katika waongofu." Na "huenda" kama inahusu Mwenyezi Mungu, basi ni lazima ifanyike. Na ama yule ambaye hakumwamini Mwenyezi Mungu na Siku ya Mwisho, wala hamnyenyekei Mwenyezi Mungu, basi huyu si katika wale wanaoiimarisha misikiti ya Mwenyezi Mungu, wala si katika wenyewe ambao ndio wastahiki wake, hata kama watafikiri hivyo na kudai hivyo.