At-Tawba

أَلَا تُقَـٰتِلُونَ قَوْمًا نَّكَثُوٓا۟ أَيْمَـٰنَهُمْ وَهَمُّوا۟ بِإِخْرَاجِ ٱلرَّسُولِ وَهُم بَدَءُوكُمْ أَوَّلَ مَرَّةٍ ۚ أَتَخْشَوْنَهُمْ ۚ فَٱللَّهُ أَحَقُّ أَن تَخْشَوْهُ إِن كُنتُم مُّؤْمِنِينَ 13

{13} Kisha akawahimiza kupigana nao na akawachochea Waumini kwa kutaja sifa ambazo zilitokea kwa maadui hawa, na ambazo wanasifiwa kwazo, zinazohitaji kupigana vita nao. Kwa hivyo akasema: "Je, hampigani na kaumu waliovunja viapo vyao na wakawa na hamu ya kumtoa Mtume" ambaye ni lazima kumheshimu, na kumfanyia taadhima, na kumtukuza, na walitaka sana kumfurusha na kumtoa katika nchi yake, na waliwania mno katika hilo wawezavyo, "nao ndio waliowaanza mara ya kwanza" kwa kuwa walivunja maagano, na wakawasaidia wengine dhidi yenu. Na hilo ni wakati Maquraishi ambao walikuwa katika agano na Bani Bakr walipowasaidia washirika wao wandani dhidi ya Khuza'a, washirika wandani wa Mtume wa Allah rehema na amani za Mwenyezi Mungu ziwe juu yake - na wakapigana pamoja nao kama ilivyoelezwa kwa urefu katika Sira ya Mtume. "Je, mnawaogopa?" katika kuacha kupigana nao? "Basi Mwenyezi Mungu anastahiki zaidi mumwogope, ikiwa nyinyi ni Waumini." Kwani Mwenyezi Mungu aliwaamrisha kupigana nao, na akasisitiza hilo juu yenu kusisitiza kukubwa zaidi. Kwa hivyo ikiwa nyinyi ni Waumini, basi fuateni amri ya Mwenyezi Mungu, wala msiwahofu, mkaacha amri ya Mwenyezi Mungu.