Al-An'aam

وَلَوْ أَنَّنَا نَزَّلْنَآ إِلَيْهِمُ ٱلْمَلَـٰٓئِكَةَ وَكَلَّمَهُمُ ٱلْمَوْتَىٰ وَحَشَرْنَا عَلَيْهِمْ كُلَّ شَىْءٍ قُبُلًا مَّا كَانُوا۟ لِيُؤْمِنُوٓا۟ إِلَّآ أَن يَشَآءَ ٱللَّهُ وَلَـٰكِنَّ أَكْثَرَهُمْ يَجْهَلُونَ 111

{111} Na vivyo hivyo, kuifungamanisha imani na kutaka kwao na mapenzi yao peke yao, na kutomtegemea mwenyezi Mungu, ni miongoni mwa makosa makubwa zaidi. Kwa maana, lau zingewajia Ishara kubwa kama vile kuwateremshia Malaika wakimshuhudia Mtume ujumbe, na kuwaongelesha wafu, na kuwafufua baada ya kufa kwao. Na tukawakusanyia kila kitu ili kiwaongeleshe mbele yao, kwa kuviona, na kwa moja kwa moja vikishuhudia ukweli wa yale aliyokuja nayo Mtume; basi hawangepata imani kama mwenyezi Mungu hangetaka waamini, lakini wengi wao wanafanya ujinga. Ndiyo maana wakafungamanisha kuamini kwao na kuja kwa Aya tu. lakini akili na elimu ni kwamba mja awe lengo lake ni kufuata haki, na aitafute kwa njia ambazo Mwenyezi Mungu alizibainisha, na azitendee kazi, amuombe msaada Mola wake Mlezi katika kuifuata, na wala asijitegemee nafsi yake na uwezo wake na nguvu zake, na wala asitafute katika Aya anazopendekeza yeye, zisizokuwa na faida yoyote.