Al-Fath

لَّقَدْ صَدَقَ ٱللَّهُ رَسُولَهُ ٱلرُّءْيَا بِٱلْحَقِّ ۖ لَتَدْخُلُنَّ ٱلْمَسْجِدَ ٱلْحَرَامَ إِن شَآءَ ٱللَّهُ ءَامِنِينَ مُحَلِّقِينَ رُءُوسَكُمْ وَمُقَصِّرِينَ لَا تَخَافُونَ ۖ فَعَلِمَ مَا لَمْ تَعْلَمُوا۟ فَجَعَلَ مِن دُونِ ذَٰلِكَ فَتْحًا قَرِيبًا 27

{27} Mwenyezi Mungu Mtukufu anasema: ''Hakika Mwenyezi Mungu amemtimizia Mtume wake ndoto ya haki.'' Haya ni kwa sababu Mtume wa Mwenyezi Mungu - rehema na amani zimshukie - aliona njozi huko Madina akawaambia maswahaba zake kwamba wataingia Makka na kuizunguka Al-Kaaba, na yalipotokea yaliyotokea siku ya Hudaybiyya, na wakarudi bila ya kuingia Makka, wengi wao walisema maneno kuhusu jambo hili, hadi wakamwambia Mtume wa Mwenyezi Mungu - rehema na Amanza Mwenyezi Mungu zimshukie: "Je, hukutuambia kwamba tutakuja kwenye Nyumba na kuizunguka?" Akasema: “Niliwaambia ni mwaka huo?” Wakasema: "Hapana." Akasema: "Hakika mtaiingia na mtaizunguka." Mwenyezi Mungu Mtukufu akasema hapa: ''Hakika Mwenyezi Mungu amemtimizia Mtume wake ndoto ya haki.'' Yaani, lazima itatokea na iwe ya kweli, na wala kuchelewa kwake kufika hakuwezi kuitia dosari. ''Bila ya shaka nyinyi mtauingia Msikiti Mtakatifu, Inshallah (Mwenyezi Mungu akipenda), kwa amani, na hali mmenyoa vichwa vyenu na mmepunguza nywele." Yaani, katika hali hii ambayo inawahitaji kuiheshimu Nyumba hii Takatifu na kufanyia kwenu hapo ibada mbalimbali na kuzikamilisha kwa kunyoa, kupunguza nywele zenu, na kutokuwa na hofu. ''Yeye anajua" masilahi na manufaa ''msiyoyajua. Basi atawapa kabla ya hayo'' ya kuingia kwa namna hiyo “Ushindi karibuni.”