Al-Ahqaf
یہ تفسیر السعدی کا ایک ترجمہ ہے جیسا IslamHouse.com اسے saadi.islamenc.com پر شائع کرتا ہے، اس سائٹ کے صفحات سے لیا گیا۔ سائٹ یہ نہیں بتاتی کہ اس کا ترجمہ کس نے کیا اور وہ کس چھپے ہوئے ایڈیشن کی پیروی کرتا ہے، اور اس کا متن لینے کی کوئی شرائط بیان نہیں کرتی، اس لیے اسے دکھانے کا حق تصدیق شدہ نہیں۔ کسی نے اسے چھپی ہوئی کتاب سے نہیں ملایا اور کسی عالم نے اس کا جائزہ نہیں لیا۔ ہر حصہ ان آیات کے ساتھ ہے جن پر وہ تبصرہ کرتا ہے، اور وہ آیات Tanzil کا قرآنی متن ہیں، جیسا وہاں ہے؛ جس آیت کی سائٹ اپنی الگ تفسیر نہیں دیتی وہ اپنے سے پہلے کے حصے کے ساتھ ہوتی ہے، اور فہرست ایسی ہر آیت کا نام لیتی ہے۔ سبیل نے اس میں سے کچھ نہیں لکھا اور نہ اس کا ترجمہ کیا۔
متن ماخوذ ازsaadi.islamenc.comIslamHouse.comnone stated (the site names no licence and no terms for taking its text)2026-10-22 کو لیا گیا
وَقَالَ ٱلَّذِينَ كَفَرُوا۟ لِلَّذِينَ ءَامَنُوا۟ لَوْ كَانَ خَيْرًا مَّا سَبَقُونَآ إِلَيْهِ ۚ وَإِذْ لَمْ يَهْتَدُوا۟ بِهِۦ فَسَيَقُولُونَ هَـٰذَآ إِفْكٌ قَدِيمٌ 11 وَمِن قَبْلِهِۦ كِتَـٰبُ مُوسَىٰٓ إِمَامًا وَرَحْمَةً ۚ وَهَـٰذَا كِتَـٰبٌ مُّصَدِّقٌ لِّسَانًا عَرَبِيًّا لِّيُنذِرَ ٱلَّذِينَ ظَلَمُوا۟ وَبُشْرَىٰ لِلْمُحْسِنِينَ 12
{11 - 12} Yaani, Makafiri walisema juu ya haki wakiifanyia ukaidi na kuikataa wito wake: "Lau kuwa hii ni heri, wasingelitutangulia kuifikia." Yaani, waumini wasingetutangulia kuifikia. bali tungekuwa sisi ndio wa kwanza kuikimbilia na kuifuata! Lakini haya ni hoja isiyo na msingi. Kwani ni ushahidi gani unaonyesha kwamba alama ya haki ni kwamba wanaokadhibisha watangulie waumini kuifuata? Je, wao ndio wana nafsi safi zaidi? Au wao ndio wenye akili kamili zaidi? Au kuongoa kuko mikononi mwao? Lakini maneno haya yanayotoka kwao wanayojifariji kwayo tu ni kama vile mtu asiyeweza kitu kisha akaanza kukikashifu. Ndiyo maana alisema: "Na walipokosa kuongoka, wakasema: "Huu ni uzushi mkubwa wa zamani." Yaani, hii ndiyo sababu iliyowafanya kusema hivyo, nayo ni kwamba waliposhindwa kuongoka kwa Qur-ani hii, na wakakosa tunu kubwa zaidi na mambo makubwa zaidi yanayotamaniwa, wakaikashifu kwamba ni uongo, ilhali hiyo ndiyo haki isiyokuwa na shaka wala utata wowote, "ambayo" inakubaliana na Vitabu vya mbinguni vinginevyo, hasa kitabu kamili na bora zaidi baada ya Qur-ani, yaani Taurati ambayo Mwenyezi Mungu aliiteremsha kwa "Musa kuwa chenye uwongozi na rehema." Yaani, ili Wana wa Israili waifuate na waongoke kwayo, na wapate heri ya dunia na akhera. "Na hii" Qur-ani "ni kitabu chenye kuthibitisha" vitabu vya awali, inashuhudia ukweli wake na kuvisadikisha kwa kuafikiana navyo, na Mwenyezi Mungu akaifanya kuwa "kwa lugha ya Kiarabu" ili iwe rahisi kuielewa na kuikumbuka, "ili kiwaonye wale waliodhulumu" nafsi zao kwa ukafiri, kuvuka mipaka na uasi, ikiwa wataendelea na dhuluma yao hiyo adhabu kali, na awabashirie wafanyao vizuri katika kumuabudu Muumba na katika kuwafaidi viumbe kwa thawabu nyingi katika dunia na akhera, na kuwakumbusha matendo ambayo anawaonya dhidi yake na matendo ambayo yanahusiana na bishara njema.