As-Sajda

وَجَعَلْنَا مِنْهُمْ أَئِمَّةً يَهْدُونَ بِأَمْرِنَا لَمَّا صَبَرُوا۟ ۖ وَكَانُوا۟ بِـَٔايَـٰتِنَا يُوقِنُونَ 24

{24} "Na tukawafanya miongoni mwao;" yaani, Wana wa Israili, "waongozi wanaoongoa watu kwa amri yetu." Yaani, wanachuoni wa sheria na njia za uwongofu, ambao wao wenyewe wameongoka na wanaowaongoza wengine kwa uwongofu huo. Kitabu kilichoteremshwa kwao ni uwongofu, na walioamini miongoni mwao wamegawanyika katika makundi mawili: waongozi wanaoongoa kwa amri ya Mwenyezi Mungu, na wafuasi wanaoongozwa nao. Na kundi hili la kwanza lina daraja za juu baada ya kiwango cha unabii na utume. Nacho ni kiwango cha wakweli tu. Nao walifikia kiwango hiki cha juu "waliposubiri" juu ya kujifunza, kufundisha, na kulingania kwa Mwenyezi Mungu na kuudhiwa katika njia yake, na wakazizuia nafsi zao dhidi ya kuziingiza katika maasia, na kuziachilia kuendelea katika matamanio. "Na wakawa na yakini na Ishara zetu." Yaani, walifikia kiwango cha yakini katika kumuamini Mwenyezi Mungu na ishara zake, nacho ni kuwa na elimu kamili yenye kulazimu matendo mema. Na walifikia kiwango hiki cha yakini, kwa sababu walijifunza kujifunza sahihi, na wakachukua masuala kutoka katika ushahidi wake wenye yakini, kwa hivyo wakaendelea kujifunza masuala, na kuyatumia kama ushahidi kwa kwa ushahidi mwingi, mpaka wakafikia kiwango hicho. Kwa hivyo, kwa kusubiri na kuwa na yakini mtu anapata kuwa muongozi katika dini.