Ash-Shu'araa

وَأُزْلِفَتِ ٱلْجَنَّةُ لِلْمُتَّقِينَ 90 وَبُرِّزَتِ ٱلْجَحِيمُ لِلْغَاوِينَ 91 وَقِيلَ لَهُمْ أَيْنَ مَا كُنتُمْ تَعْبُدُونَ 92 مِن دُونِ ٱللَّهِ هَلْ يَنصُرُونَكُمْ أَوْ يَنتَصِرُونَ 93 فَكُبْكِبُوا۟ فِيهَا هُمْ وَٱلْغَاوُۥنَ 94 وَجُنُودُ إِبْلِيسَ أَجْمَعُونَ 95

{90-95} Kisha akataja miongoni mwa sifa za siku hiyo kuu na thawabu zilizomo na adhabu yake, akasema, "Na Pepo itasogezwa kwa wachamungu," ambao walitii amri zake, na wakajiepusha na makatazo yake na wakaogopa ghadhabu na adhabu yake. "Na Jahannamu itadhihirishwa" na kuandaliwa pamoja na adhabu zake zote, "kwa wapotovu" ambao walitokomea katika kumuasi Mwenyezi Mungu, na wakafanya ujasiri juu ya yale aliyoharamisha, na wakawakadhibisha Mitume Wake, na wakakataa yale waliyowaletea ya haki. "Na wataambiwa: Wako wapi mliokuwa mkiwaabudu? Badala ya Mwenyezi Mungu? Je, wanawasaidia, au wanajisaidia wenyewe?" Lakini hakukuwa na chochote katika hayo, kwa hivyo uongo wao na hizaya yao ikadhihirika, na ikaonekana hasara yao na fedheha yao, na yakabainika majuto yao, na bidii yao yote ikapotelea mbali. "Basi watavurumizwa humo wao;" yaani, wale ambao wao walikuwa wakiwaabudu "na hao wakosefu. Na majeshi ya Ibilisi yote" miongoni mwa wanadamu na majini, ambao waliwashawishi vikubwa kutenda dhambi, na wakawatawala kwa ushirikina wao na kutoamini kwao, kwa hivyo wakawa katika walinganiaji wake wanaofanya bidii kuridhisha, wakawa kuna wanaolingania kumtii Iblisi, na mwenye kuwaitikia, na wanaowaiga wao kwa ushirikina wao.