Al-Baqara

بَلَىٰ مَن كَسَبَ سَيِّئَةً وَأَحَـٰطَتْ بِهِۦ خَطِيٓـَٔتُهُۥ فَأُو۟لَـٰٓئِكَ أَصْحَـٰبُ ٱلنَّارِ ۖ هُمْ فِيهَا خَـٰلِدُونَ 81

Kisha (Mwenyezi Mungu) Mtukufu akataja hukumu ya jumla kwa kila mtu, wanaingia humo Wana wa Israili na wasiokuwa wao. Nayo ni hukumu ambayo hakuna hukumu ngingine isiyokuwa hiyo, na sio uongo wanaoutamani na madai yao kuhusu walioangamia, na waliofaulu. Hivyo basi akasema "Ndiyo" yani hili jambo sio kama mlivyotaja. Kwani ni kauli tu isiyokuwa na uhakika wowote. Lakini:

(81) "anaye chuma ubaya" Nalo hili neno ni nakira (yani halimaanishi kosa maalum) katika muktadha wa sharti, kwa hivyo linajumuisha shirki na kilicho chini yake, na hapa limekusudiwa shirki kwa dalili ya kauli yake "- na makosa yake yakamzunguka" yani yakamzunguka mwenye kuyatenda, na hayakumwachia njia ya kutokea. Na hili haliwi isipokuwa shirki tu. Kwa maana, yule ambaye ana imani, makosa yake hayamzunguki." Na Al-khawarij waliitumia aya hii kama hoja kwamba mwenye kutenda dhambi ni kafiri. Lakini hiyo ni hoja juu yao kama unavyoona, kwa sababu, inadhihirika waziwazi katika shirki tu. Na vivyo hivyo, mwenye batili anayetumia aya fulani au hadithi sahihi kama hoja yake katika kusema batili (uongo); ni lazima kuna hoja juu yake katika hicho alichotumia kama hoja yake.