Al-Israa

وَقَالُوٓا۟ أَءِذَا كُنَّا عِظَـٰمًا وَرُفَـٰتًا أَءِنَّا لَمَبْعُوثُونَ خَلْقًا جَدِيدًا 49

{49} Mwenyezi Mungu Mtukufu anajulisha kuhusu maneno ya wanaokanusha kufufuliwa na kukadhibisha kwao hilo na kuona kwao kwamba hilo haliwezekani kwa kusema, "Tutakapokuwa mifupa na mapande yaliyovurugika." Yaani, miili iliyochakaa. "Tutafufuliwa kwa umbo jipya." Yaani, hilo halitatokea, na kwamba haliwezekani kulingana na madai yao, kwa hivyo ni wajinga mno. Ambapo waliwakadhibisha Mitume wa Mwenyezi Mungu, wakazikataa ishara za Mwenyezi Mungu, na wakapima uwezo wa Muumba wa mbingu na ardhi kwa uwezo wao dhaifu na usioweza kitu, na walipoona hawaliwezi hilo, wakaufanya uwezo wa Mwenyezi Mungu kuwa hivyo. Lakini ametakasika yule aliyewafanya viumbe miongoni mwa viumbe wake, ambao wanadai kuwa wao ndio wenye akili na ufahamu kuwa ni mfano wa kutojua mambo yaliyo dhahiri kabisa, na ya peupe yake zaidi, na yaliyo wazi yake zaidi kwa hoja, ili kuwaonyesha waja wake kwamba hakuna kufaulu isipokuwa kwa kuwezesha kwake, na usaidizi wake au kuangamia na kupotea. "Mola wetu Mlezi! Usizipotoe nyoyo zetu baada ya kwisha tuongoa, na utupe rehema itokayo kwako. Hakika Wewe ndiye Mwenye kutunuku."