Al-Anfaal
Bu, as-Saʿdī’nin tefsirinin, IslamHouse.com’un saadi.islamenc.com adresinde yayımladığı hâliyle bir çevirisidir; o sitenin sayfalarından okunmuştur. Site, kimin çevirdiğini ya da hangi basılı neşri izlediğini söylemez ve metnini almak için hiçbir şart belirtmez; bu yüzden bunu gösterme hakkı doğrulanmamıştır. Kimse bunu basılı bir kitapla karşılaştırmadı ve hiçbir âlim gözden geçirmedi. Her bölüm, yorumladığı âyetlerin yanında durur; bu âyetler Tanzil’in Kur’ân metnidir, orada olduğu gibi gösterilir; sitenin kendine ait bir yorum vermediği bir âyet kendisinden önceki bölümle birlikte durur ve dizin böyle her âyeti adıyla anar. Sabīl bunun hiçbirini yazmamış ve çevirmemiştir.
Metin kaynağı:saadi.islamenc.comIslamHouse.comnone stated (the site names no licence and no terms for taking its text)2026-10-22 tarihinde alındı
وَإِذْ يَمْكُرُ بِكَ ٱلَّذِينَ كَفَرُوا۟ لِيُثْبِتُوكَ أَوْ يَقْتُلُوكَ أَوْ يُخْرِجُوكَ ۚ وَيَمْكُرُونَ وَيَمْكُرُ ٱللَّهُ ۖ وَٱللَّهُ خَيْرُ ٱلْمَـٰكِرِينَ 30
{30} Yaani, "Na" kumbuka, ewe Mtume, yale aliyokuneemesha kwayo Mwenyezi Mungu, "walipokufanyia vitimbi wale waliokufuru" wakati waliposhauriana washirikina katika Dar An-Nadwah kuhusu yale watakayomfanyia Nabii, rehema na amani za Mwenyezi Mungu ziwe juu yake. Ima wamweke chini ya ulinzi wao kwa kumzuia na kumfunga, au wamuue ili wapumzike kutokana na uovu wake kwa madai yao! Au wamtoe na wamfukuze kutoka katika nchi yao. Na kila mmoja alitoa katika rai hizi rai aliyoiona, na rai zao zikaafikiana juu ya rai ambayo aliyoiona muovu wao zaidi, Abu Jahl, Mwenyezi Mungu amlaani. Nayo ni kwamba, wachukue kutoka katika kila kabila la Kiquraishi mvulana, na wampe upanga mkali, kisha wamwue wote kuua kwa mwanamume mmoja, ili damu yake itawanyike kati ya makabila hayo, ndiyo Banu Hashim waridhike hapo tu na mali ya damu yake, na wasiweze kupambana na Maquraishi wote. Kwa hivyo wakamvizia Nabii - rehema na amani ziwe juu yake - usiku ili wamshambulie atakapoamka kutoka katika kitanda chake. Lakini ukamjia wahyi kutoka mbinguni, na akawatokea, kisha akawanyunyizia udongo juu ya vichwa vyao, na akaondoka. Na Mwenyezi Mungu akawapofusha macho yao wasimwone mpaka walipomuona amechelewa, mwenye kuwajia mmoja akawajia na kusema: Mwenyezi Mungu amewafanya kuambulia patupu! Hakika Muhammad ameshatoka na akanyunyizia vumbi juu ya vichwa vyenu! Basi kila mmoja wao akatikisa mavumbi kutoka kwenye kichwa chake, na Mwenyezi Mungu akamzuia Mtume wake, na akampa ruhusa ya kuhama kwenda Madina. Akahamia huko, na Mwenyezi Mungu akamuunga mkono kwa maswahaba wake, Wahajiri na Ansari. Na jambo lake halikuacha kuendelea kupanda juu mpaka alipoingia Makka kwa nguvu, na akawashinda watu wake, kwa hivyo wakajisalimisha kwake na kuwa chini ya hukumu yake baada ya kutoka kwa kujificha wasimuone. Basi ametakasika Yule ambaye ni Mpole kwa mja wake, ambaye hashindwi mwenye kushinda. Na kauli yake: