Al-Muminoon
Bu, as-Saʿdī’nin tefsirinin, IslamHouse.com’un saadi.islamenc.com adresinde yayımladığı hâliyle bir çevirisidir; o sitenin sayfalarından okunmuştur. Site, kimin çevirdiğini ya da hangi basılı neşri izlediğini söylemez ve metnini almak için hiçbir şart belirtmez; bu yüzden bunu gösterme hakkı doğrulanmamıştır. Kimse bunu basılı bir kitapla karşılaştırmadı ve hiçbir âlim gözden geçirmedi. Her bölüm, yorumladığı âyetlerin yanında durur; bu âyetler Tanzil’in Kur’ân metnidir, orada olduğu gibi gösterilir; sitenin kendine ait bir yorum vermediği bir âyet kendisinden önceki bölümle birlikte durur ve dizin böyle her âyeti adıyla anar. Sabīl bunun hiçbirini yazmamış ve çevirmemiştir.
Metin kaynağı:saadi.islamenc.comIslamHouse.comnone stated (the site names no licence and no terms for taking its text)2026-10-22 tarihinde alındı
ٱدْفَعْ بِٱلَّتِى هِىَ أَحْسَنُ ٱلسَّيِّئَةَ ۚ نَحْنُ أَعْلَمُ بِمَا يَصِفُونَ 96
{96} Hii ni moja ya maadili matukufu ambayo Mwenyezi Mungu alimwamuru Mtume wake kutekeleza. Akasema: "Kinga maovu kwa kutenda yaliyo mema zaidi." Yaani, ikiwa maadui zako wanakuudhi kwa maneno na vitendo, usiwakabili kwa uovu, pamoja na kwamba inafaa kumuadhibu muovu kwa mfano wa maovu yake, lakini kinga maovu yao kwako kwa wema kutoka kwako juu yao. Hii ni fadhila kutoka kwako kwa muovu, na uzuri wa kufanya hivo ni kwamba muovu atapunguza maovu yake kwako kwa muda huu na muda ujao, na kwamba unaita katika kumleta muovu kwenye haki,na humkurubisha zaidi katika kujutia,na kuhuzunika na kutaka toba kwa aliyofanya, na anasifika msamehevu kwa sifa ya ihsani, na kwa hilo humshinda adui yake shetani, na anastahiki thawabu kutoka kwa Mola Mlezi. Amesema Mtukufu: "Lakini mwenye kusamehe,na akasuluhisha, basi malipo yake yapo kwa Mwenyezi Mungu." Na Akasema Mtukufu: "Pinga uovu kwa lililo jema zaidi. Hapo yule ambaye baina yako naye pana uadui atakuwa kama rafiki jamaa wa kukuonea uchungu." "Lakini hawapewi wema huu." Yaani, haafikiwa kwa tabia nzuri, "ila wanaosubiri, wala hawapewi ila wenye bahati. Na kauli yake: "Sisi tunajua wayasemayo;" yaani, wanayoyasema kutokana na maneno yanayojumuisha ukafiri na kukanusha ukweli, hakika imeizunguka elimu yetu kwa hayo, na tumewastahimili, na tumewapa muda na tumekuwa wenye subira kwao, na ukweli ni wetu, na kukanusha kwao kwetu. Ewe, Muhammad, inapaswa uwe na subira kwa yale wanayoyasema, na uwakabili kwa Ihsani. Huu ndio wadhifa wa mja katika kukabili maovu kutoka kwa wanadamu.