Al-Baqara
Bu, as-Saʿdī’nin tefsirinin, IslamHouse.com’un saadi.islamenc.com adresinde yayımladığı hâliyle bir çevirisidir; o sitenin sayfalarından okunmuştur. Site, kimin çevirdiğini ya da hangi basılı neşri izlediğini söylemez ve metnini almak için hiçbir şart belirtmez; bu yüzden bunu gösterme hakkı doğrulanmamıştır. Kimse bunu basılı bir kitapla karşılaştırmadı ve hiçbir âlim gözden geçirmedi. Her bölüm, yorumladığı âyetlerin yanında durur; bu âyetler Tanzil’in Kur’ân metnidir, orada olduğu gibi gösterilir; sitenin kendine ait bir yorum vermediği bir âyet kendisinden önceki bölümle birlikte durur ve dizin böyle her âyeti adıyla anar. Sabīl bunun hiçbirini yazmamış ve çevirmemiştir.
Metin kaynağı:saadi.islamenc.comIslamHouse.comnone stated (the site names no licence and no terms for taking its text)2026-10-22 tarihinde alındı
وَلَكُمْ فِى ٱلْقِصَاصِ حَيَوٰةٌ يَـٰٓأُو۟لِى ٱلْأَلْبَـٰبِ لَعَلَّكُمْ تَتَّقُونَ 179
Kisha Mola Mtukufu akabainisha hekima yake kubwa katika kuweka sheria ya kulipiza kisasi, akasema:
“Mtakuwa nao uhai mzuri katika kulipiza kisasi” yani damu zitahifadhika kwa hilo, na watazuilika waovu kwa hilo. Kwa sababu anayejua kwamba yeye atauawa akiua, basi haitakaribia kuua kutokea kwake. Na muuaji anapoonekana ameuawa, basi asiyekuwa yeye ataogopa na kukomeka. Na lau kuwa adhabu ya muuaji haingekuwa siyo kuua, basi haingezuilika shari (uovu) kama kule kuzuilika kunakotokana (kutekeleza adhabu ya) na kuua. Na vivyo hivyo adhabu za kisheria zote zenye kinaya na kukomeka kuna kile kinachoonyesha hekima ya Mwenye hekima, Mwenye kusamehe. Na neno “uhai” limeachwa katika hali ya nomino ya kawaida ili iwe na maana ya utukufu na wingi. Na kwa vile hukumu hii haijui uhalisia wake isipokuwa wenye akili timilifu na wenye ufahamu mkubwa, amewahusisha na usemi huu na siyo wasiokuwa wao. Na hili linaashiria kuwa Mwenyezi Mungu Mtukufu anapenda kwa waja wake kwamba, wazitumie fikira zao na akili zao katika kutafakari zile hekima zilizoko katika hukumu zake na masilahi yanayoashiria ukamilifu wake, na ukamilifu wa hekima yake, na sifa zake na uadilifu, wake na rehema yake pana. Na kwamba yeyote aliye katika daraja hii, basi anastahiki kusifiwa katika wenye akili ambao usemi huu ulielekezwa kwao, na akawaita Mola Mlezi wa mabwana wote. Na hiyo inatosha kuwa fadhila na heshima kwa watu wanaotumia akili zao. Na kauli yake, “ili mpate kuwa wachamungu.” Na hilo ni kwamba anayemjua Mola wake Mlezi na anayajua yaliyomo katika dini yake, na sheria miongoni mwa siri kubwa na hekima ya ajabu na Aya (ishara) tukufu. Hayo yatamlazimu kufuata amri ya Mwenyezi Mungu, na kuyaona maasia yake kuwa jambo kubwa, ili ayaache. Kwa hivyo akastahiki kwa hayo kuwa miongoni mwa wachamungu.