Al-Baqara
Bu, as-Saʿdī’nin tefsirinin, IslamHouse.com’un saadi.islamenc.com adresinde yayımladığı hâliyle bir çevirisidir; o sitenin sayfalarından okunmuştur. Site, kimin çevirdiğini ya da hangi basılı neşri izlediğini söylemez ve metnini almak için hiçbir şart belirtmez; bu yüzden bunu gösterme hakkı doğrulanmamıştır. Kimse bunu basılı bir kitapla karşılaştırmadı ve hiçbir âlim gözden geçirmedi. Her bölüm, yorumladığı âyetlerin yanında durur; bu âyetler Tanzil’in Kur’ân metnidir, orada olduğu gibi gösterilir; sitenin kendine ait bir yorum vermediği bir âyet kendisinden önceki bölümle birlikte durur ve dizin böyle her âyeti adıyla anar. Sabīl bunun hiçbirini yazmamış ve çevirmemiştir.
Metin kaynağı:saadi.islamenc.comIslamHouse.comnone stated (the site names no licence and no terms for taking its text)2026-10-22 tarihinde alındı
أُو۟لَـٰٓئِكَ ٱلَّذِينَ ٱشْتَرَوُا۟ ٱلضَّلَـٰلَةَ بِٱلْهُدَىٰ فَمَا رَبِحَت تِّجَـٰرَتُهُمْ وَمَا كَانُوا۟ مُهْتَدِينَ 16
Kisha Mwenyezi Mungu Mtukufu akasema akifichua uhakika wa hali yao:
(16) "Hao", yaani wanafiki wanaosifika kwa sifa hizi "ndio walionunua upotovu kwa uwongofu." Yaani, walitaka sana upotovu kama vile mnunuzi anavyotaka sana bidhaa, ambayo - kwa sababu ya kuitaka (kuipenda) - anaitolea mali yenye thamani kubwa. Na huu ni katika mifano mizuri kabisa, kwani (mnafiki) aliufanya upotovu ambao ndiyo shari kubwa zaidi kuwa bidhaa. Na akaufanya uwongofu ambao ndio kutengenea kukubwa zaidi pahali pa bei, kwa hivyo wakautoa uwongofu kwa kuukataa katika kuutaka upotovu. Basi hii ndiyo biashara yao; nayo ndiyo biashara mbaya mno. Na haya ndiyo mapatano yao; nayo ndiyo mapatano mabaya mno. Na ikiwa mwenye kutoa dinari moja na kuchukua dirhamu moja ni mwenye hasara, basi atakuwaje mwenye kutoa johari na kuchukua dirhamu moja badala yake? Na vipi mwenye kutoa uwongofu badala ya upotofu, na akachagua uovu badala ya kufaulu (furaha), na akapenda mambo duni na akayaacha ya juu? Basi biashara yake haikupata faida, bali alipata hasara kubwa sana ndani yake. Hao ndio waliozihasiri nafsi zao na ahali zao Siku ya Kiyama. Tambueni kuwa hiyo ndiyo hasara iliyo dhahiri. Na kauli yake "wala hawakuwa wenye kuongoka" ni kusisitiza upotofu wao, na kwamba hawakupata chochote katika uwongofu. Na hizi ndizo sifa zao mbaya. Kisha akataja mfano wao [unaoziweka wazi (hizi sifa) uwazi wa juu zaidi], akasema: