Al-Fajr
الفجربِسْمِ ٱللَّهِ ٱلرَّحْمَـٰنِ ٱلرَّحِيمِ
Ukurasa wa 593
وَٱلْفَجْرِ
Ninaapa kwa alfajiri.
وَلَيَالٍ عَشْرٍ
Na kwa masiku kumi.
وَٱلشَّفْعِ وَٱلْوَتْرِ
Na kwa viwili viwili na kimoja kimoja.
وَٱلَّيْلِ إِذَا يَسْرِ
Na kwa usiku unapopita.
هَلْ فِى ذَٰلِكَ قَسَمٌ لِّذِى حِجْرٍ
Je, hapana katika haya kiapo kwa mwenye akili?
أَلَمْ تَرَ كَيْفَ فَعَلَ رَبُّكَ بِعَادٍ
Kwani hukuona jinsi Mola wako Mlezi alivyowafanya kina A'di?
إِرَمَ ذَاتِ ٱلْعِمَادِ
Wa Iram, wenye majumba marefu?
ٱلَّتِى لَمْ يُخْلَقْ مِثْلُهَا فِى ٱلْبِلَـٰدِ
Ambao haukuumbwa mfano wake katika nchi?
وَثَمُودَ ٱلَّذِينَ جَابُوا۟ ٱلصَّخْرَ بِٱلْوَادِ
Na Thamudi waliochonga majabali huko bondeni?
وَفِرْعَوْنَ ذِى ٱلْأَوْتَادِ
Na Firauni mwenye vigingi?
ٱلَّذِينَ طَغَوْا۟ فِى ٱلْبِلَـٰدِ
Ambao walifanya jeuri katika nchi?
فَأَكْثَرُوا۟ فِيهَا ٱلْفَسَادَ
Wakakithirisha humo ufisadi?
فَصَبَّ عَلَيْهِمْ رَبُّكَ سَوْطَ عَذَابٍ
Basi Mola wako Mlezi aliwapiga mjeledi wa adhabu.
إِنَّ رَبَّكَ لَبِٱلْمِرْصَادِ
Hakika Mola wako Mlezi yupo kwenye mavizio anawavizia.
فَأَمَّا ٱلْإِنسَـٰنُ إِذَا مَا ٱبْتَلَىٰهُ رَبُّهُۥ فَأَكْرَمَهُۥ وَنَعَّمَهُۥ فَيَقُولُ رَبِّىٓ أَكْرَمَنِ
Ama mtu anapojaribiwa na Mola wake Mlezi, akamkirimu na akamneemesha, husema: Mola wangu Mlezi amenikirimu!
وَأَمَّآ إِذَا مَا ٱبْتَلَىٰهُ فَقَدَرَ عَلَيْهِ رِزْقَهُۥ فَيَقُولُ رَبِّىٓ أَهَـٰنَنِ
Na ama anapomjaribu akampunguzia riziki yake, husema: Mola wangu Mlezi amenitia unyonge!
كَلَّا ۖ بَل لَّا تُكْرِمُونَ ٱلْيَتِيمَ
Sivyo hivyo! Bali nyinyi hamuwakirimu mayatima.
وَلَا تَحَـٰٓضُّونَ عَلَىٰ طَعَامِ ٱلْمِسْكِينِ
Wala hamhimizani kulisha masikini.
وَتَأْكُلُونَ ٱلتُّرَاثَ أَكْلًا لَّمًّا
Na mnakula urithi kwa ulaji wa pupa.
وَتُحِبُّونَ ٱلْمَالَ حُبًّا جَمًّا
Na mnapenda mali pendo la kupita kiasi.
كَلَّآ إِذَا دُكَّتِ ٱلْأَرْضُ دَكًّا دَكًّا
Sivyo hivyo! Itakapovunjwa ardhi vipande vipande.
وَجَآءَ رَبُّكَ وَٱلْمَلَكُ صَفًّا صَفًّا
Na akaja Mola wako Mlezi na Malaika safu safu.
وَجِا۟ىٓءَ يَوْمَئِذٍۭ بِجَهَنَّمَ ۚ يَوْمَئِذٍ يَتَذَكَّرُ ٱلْإِنسَـٰنُ وَأَنَّىٰ لَهُ ٱلذِّكْرَىٰ
Na ikaletwa Jahannamu siku hiyo, siku hiyo mtu atakumbuka! Lakini kukumbuka huko kutamfaa nini?
Ukurasa wa 594
يَقُولُ يَـٰلَيْتَنِى قَدَّمْتُ لِحَيَاتِى
Atasema: Laiti ningelijitangulizia kwa uhai wangu!
فَيَوْمَئِذٍ لَّا يُعَذِّبُ عَذَابَهُۥٓ أَحَدٌ
Basi siku hiyo hataadhibu yeyote namna ya kuadhibu kwake.
وَلَا يُوثِقُ وَثَاقَهُۥٓ أَحَدٌ
Wala hatafunga yeyote kama kufunga kwake.
يَـٰٓأَيَّتُهَا ٱلنَّفْسُ ٱلْمُطْمَئِنَّةُ
Ewe nafsi iliyotua!
ٱرْجِعِىٓ إِلَىٰ رَبِّكِ رَاضِيَةً مَّرْضِيَّةً
Rejea kwa Mola wako Mlezi umeridhika, na umeridhiwa.
فَٱدْخُلِى فِى عِبَـٰدِى
Basi ingia miongoni mwa waja wangu.
وَٱدْخُلِى جَنَّتِى
Na ingia katika Bustani yangu.
Maana: Swahili Translation - Rowad Translation Center. Issued by the Islamic Content Service Association in Languages Toleo 1.0.5, 2025-12-17. QuranEnc.com
Aya 30
Kiarabu: maandishi ya Uthmani ya Tanzil, toleo la 1.1. Chanzo: tanzil.net