At-Tawba
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
فَإِن رَّجَعَكَ ٱللَّهُ إِلَىٰ طَآئِفَةٍ مِّنْهُمْ فَٱسْتَـْٔذَنُوكَ لِلْخُرُوجِ فَقُل لَّن تَخْرُجُوا۟ مَعِىَ أَبَدًا وَلَن تُقَـٰتِلُوا۟ مَعِىَ عَدُوًّا ۖ إِنَّكُمْ رَضِيتُم بِٱلْقُعُودِ أَوَّلَ مَرَّةٍ فَٱقْعُدُوا۟ مَعَ ٱلْخَـٰلِفِينَ 83
{83} "Basi Mwenyezi Mungu akikurudisha kwenye kikundi kimoja miongoni mwao" nao ni wale waliosalia nyuma bila ya udhuru, wala hawakuhuzunika juu ya kusalia kwao nyuma "na wakakutaka idhini ya kutoka" katika visivyokuwa vita hivi watakapoona wepesi. "Basi sema" uwaambie kama adhabu kwao "Nyinyi hamtatoka pamoja nami kabisa, wala hamtapigana na adui pamoja nami," kwa maana Mwenyezi Mungu atatosheleza bila nyinyi. "Hakika nyinyi mliridhia kukaa nyuma mara ya kwanza, basi kaeni pamoja na hao waliobakia nyuma." Na haya ni kama alivyosema Yeye Mtukufu, "Na tutazigeuza nyoyo zao na macho yao kama vile hawakuiamini mara ya kwanza." Kwa maana Mwenye kujitia uzito anayesalia nyuma ya yale yaliyoamrishwa wakati wa kuwepo fursa, hatawezeshwa juu yake baada ya hapo, na itazuiliwa kati yake na hilo. Na ndani yake pia kuna kuwapa nguvu, kwa maana inapothibiti kwa Waislamu kwamba hawa ni katika wale waliozuiwa kutoka kwenda katika jihadi kwa sababu ya maasia yao, linakuwa hilo ni kemeo kwao, na fedheha kwao, na adhabu ili asifanye yeyote kama waliyoyafanya.