At-Tawba
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
بَرَآءَةٌ مِّنَ ٱللَّهِ وَرَسُولِهِۦٓ إِلَى ٱلَّذِينَ عَـٰهَدتُّم مِّنَ ٱلْمُشْرِكِينَ 1 فَسِيحُوا۟ فِى ٱلْأَرْضِ أَرْبَعَةَ أَشْهُرٍ وَٱعْلَمُوٓا۟ أَنَّكُمْ غَيْرُ مُعْجِزِى ٱللَّهِ ۙ وَأَنَّ ٱللَّهَ مُخْزِى ٱلْكَـٰفِرِينَ 2
[1-2] Yaani, huku ni "kujiweka mbali kutokako kwa Mwenyezi Mungu" na kutokako kwa "Mtume wake" kuwaendea washirikina wote walioahidiana nanyi (Waumini), kwamba wana miezi minne ya kutembea katika ardhi kwa hiari yao, wakiwa salama kutokana na Waumini. Na baada ya miezi minne hii, hawatakuwa na ahadi yoyote wala agano. Na hili ni yule aliyekuwa na agano ambalo halikufungiwa katika muda maalumu, au ambalo halikuwekewa muda wa miezi minne au chini. Ama yule aliyekuwa na agano lililowekewa muda wa zaidi ya miezi minne, basi italazimu atimiziwe agano lake ikiwa hatahofiwa kufanya uhaini na wala hakuanza yeye kulivunja agano hilo. Kisha akawaonya wale waliofanya agano katika kipindi cha agano lao kwamba hata kama watakuwa salama, wao kwa hakika hawatamshinda Mwenyezi Mungu wala hawatafanya awakose. Na kwamba mwenye kuendelea miongoni mwao na ushirikina wake, basi hakuna budi atamhizi. Kwa hivyo hili likawa miongoni mwa yale yanayowavutia kuingia katika Uislamu isipokuwa yule aliyekaidi, na akasisitiza, na hakujali ahadi mbaya hii ya Mwenyezi Mungu.