Abasa
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
فَلْيَنظُرِ ٱلْإِنسَـٰنُ إِلَىٰ طَعَامِهِۦٓ 24 أَنَّا صَبَبْنَا ٱلْمَآءَ صَبًّا 25 ثُمَّ شَقَقْنَا ٱلْأَرْضَ شَقًّا 26 فَأَنۢبَتْنَا فِيهَا حَبًّا 27 وَعِنَبًا وَقَضْبًا 28 وَزَيْتُونًا وَنَخْلًا 29 وَحَدَآئِقَ غُلْبًا 30 وَفَـٰكِهَةً وَأَبًّا 31 مَّتَـٰعًا لَّكُمْ وَلِأَنْعَـٰمِكُمْ 32
{24 - 32} Kisha Mwenyezi Mungu akamwelekeza kutazama na kufikiria juu ya chakula chake, na jinsi kilivyomfikia baada ya kupitia hatua nyingi, na [Mwenyezi Mungu] akamfanyia wepesi. Akasema: "Hebu mtu na atazame chakula chake. Hakika Sisi tumemimina maji kwa nguvu" juu ya ardhi. "Tena tukaipasua pasua ardhi kwa nguvu. Kisha tukaotesha humo" aina mbalimbali za vyakula vitamu na vizuri, "nafaka" zinazojumuisha nafaka za kila namna, "na zabibu, na mimea ya majani. Na mizaituni, na mitende." Hapa ametaja hivi vinne kwa njia hii maalumu kwa sababu ya manufaa yake mengi. "Na bustani zenye miti iliyo songana barabara. Na matunda, na malisho ya wanyama." Ndiyo maana akasema: "Kwa manufaa yenu na mifugo yenu" ambayo Mwenyezi Mungu ameiumba na akaitiisha kwa ajili yenu. Kwa hivyo, mwenye kutazama katika neema hizi, hilo linamlazimu kumshukuru Mola wake Mlezi na kufanya juhudi kubwa ya kurejea kwake, kumtii na kusadiki habari zake.