Fussilat
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
وَمِنْ ءَايَـٰتِهِۦٓ أَنَّكَ تَرَى ٱلْأَرْضَ خَـٰشِعَةً فَإِذَآ أَنزَلْنَا عَلَيْهَا ٱلْمَآءَ ٱهْتَزَّتْ وَرَبَتْ ۚ إِنَّ ٱلَّذِىٓ أَحْيَاهَا لَمُحْىِ ٱلْمَوْتَىٰٓ ۚ إِنَّهُۥ عَلَىٰ كُلِّ شَىْءٍ قَدِيرٌ 39
{39} "Na katika Ishara zake" zinazoonyesha ukamilifu wa uwezo wake na upekee wake katika ufalme, uendeshaji na umoja, "ni kwamba unaiona ardhi nyonge," yaani hali ya kuwa haina mimea juu yake. "Lakini tunapoiteremshia maji" ya mvua, "mara husisimka na kututumka" na kumea kila namna ya mimea mizuri. Kwa hivyo, watu na nchi vinakuwa hai. "Bila ya shaka aliyeihuisha ardhi" baada ya kufa kwake na kutulia kwake kimya "ndiye atakayehuisha wafu" kutoka makaburini mwao kwa ajili ya siku ya kufufuliwa kwao na kutolewa kwao humo. "Hakika Yeye ni Muweza mno wa kila kitu." Kwa sababu kama vile uwezo wake haukushindwa kuifufua ardhi baada ya kufa kwake, basi pia hauwezi kushindwa kuwafufua wafu.