Al-Furqaan
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
وَلَقَدْ ءَاتَيْنَا مُوسَى ٱلْكِتَـٰبَ وَجَعَلْنَا مَعَهُۥٓ أَخَاهُ هَـٰرُونَ وَزِيرًا 35 فَقُلْنَا ٱذْهَبَآ إِلَى ٱلْقَوْمِ ٱلَّذِينَ كَذَّبُوا۟ بِـَٔايَـٰتِنَا فَدَمَّرْنَـٰهُمْ تَدْمِيرًا 36 وَقَوْمَ نُوحٍ لَّمَّا كَذَّبُوا۟ ٱلرُّسُلَ أَغْرَقْنَـٰهُمْ وَجَعَلْنَـٰهُمْ لِلنَّاسِ ءَايَةً ۖ وَأَعْتَدْنَا لِلظَّـٰلِمِينَ عَذَابًا أَلِيمًا 37 وَعَادًا وَثَمُودَا۟ وَأَصْحَـٰبَ ٱلرَّسِّ وَقُرُونًۢا بَيْنَ ذَٰلِكَ كَثِيرًا 38 وَكُلًّا ضَرَبْنَا لَهُ ٱلْأَمْثَـٰلَ ۖ وَكُلًّا تَبَّرْنَا تَتْبِيرًا 39 وَلَقَدْ أَتَوْا۟ عَلَى ٱلْقَرْيَةِ ٱلَّتِىٓ أُمْطِرَتْ مَطَرَ ٱلسَّوْءِ ۚ أَفَلَمْ يَكُونُوا۟ يَرَوْنَهَا ۚ بَلْ كَانُوا۟ لَا يَرْجُونَ نُشُورًا 40
{35-40} Mwenyezi Mungu Mtukufu aliviashiria visa hivi, na alikwisha vieleza kwa kina katika aya nyinginezo; ili wale wanaoongeleshwa wajitahadhari dhidi ya kuendelea kumkadhibisha Mtume wao, wakaja fikwa na yale yaliyowafika umma ambao walikuwa karibu nao, na ambao wanajua visa vyao kutoka kwa habari zilizoenea na ambazo ni mashuhuri kuhusiana nao. Na hata tena kuna wale ambao wanaona athari zao kwa macho, kama vile kaumu ya Swalih wa huko Al-Hijr, na mji ambao ulinyeshewa mvua mbaya ya mawe ya udongo wa Motoni. Wakawa wanawapitia wakati wa asubuhi, na usiku katika safari zao. Umma hao sio waovu zaidi yao, na Mitume wao sio bora zaidi kuliko Mtume wa hawa. "Je, makafiri wenu ni bora kuliko hao, au yameandikwa vitabuni kuwa nyinyi hamtiwi makosani?" Lakini kile kilichowazuia hawa kuamini pamoja na kile walichokiona miongoni mwa Ishara mbalimbali ni kwamba hawakuwa wanatarajia kufufufuka au kutawanywa kutoka makaburini mwao. Kwa hivyo hawatumaini kukutana na Mola wao Mlezi, wala hawahofu adhabu yake. Na ndiyo maana wakaendelea na ukaidi wao. Vinginevyo, tayari zilikwisha wajia ishara ambazo haiwezi kubakia pamoja nazo shaka yoyote wala fikira potovu, wala shida wala hata kusitasita.