Al-Baqara
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
وَلَقَدْ ءَاتَيْنَا مُوسَى ٱلْكِتَـٰبَ وَقَفَّيْنَا مِنۢ بَعْدِهِۦ بِٱلرُّسُلِ ۖ وَءَاتَيْنَا عِيسَى ٱبْنَ مَرْيَمَ ٱلْبَيِّنَـٰتِ وَأَيَّدْنَـٰهُ بِرُوحِ ٱلْقُدُسِ ۗ أَفَكُلَّمَا جَآءَكُمْ رَسُولٌۢ بِمَا لَا تَهْوَىٰٓ أَنفُسُكُمُ ٱسْتَكْبَرْتُمْ فَفَرِيقًا كَذَّبْتُمْ وَفَرِيقًا تَقْتُلُونَ 87
(87) Mwenyezi Mungu Mtukufu anasimulia hisani yake juu ya Wana wa Israili kwamba aliwatumia Musa ambaye alizungumza naye (moja kwa moja), na akampa Taurati. Kisha akafuatisha baada yake Mitume wanaohukumu kwa Taurati, mpaka alipowahitimisha Manabii wao kwa Isa [Ibn Maryam] amani iwe juu yake. Na akampa katika ishara zilizo wazi wanazoamini wanadamu mfano wake. "Na tukamtia nguvu kwa Roho Takatifu." Wafasiri wengi walisema kuwa yeye ni Jibril, amani iwe juu yake, na ikasemwa kuwa ni imani ambayo Mwenyezi Mungu anawaunga nayo mkono waja wake. Kisha pamoja na hizi neema ambazo thamani yake haikadiriki walipowajia "kwa yale ambayo hayapendwi na nafsi zenu, mlijivuna" mkaacha kuwaamini, "hivyo basi, kundi" miongoni mwao "mkawakanusha, na kundi lingine mkawauwa." Basi mkatanguliza matamanio yenu juu ya uongofu, na mkaipendelea dunia juu ya Akhera. Na ndani yake kuna makemeo na kuwafanyia ukali kwa namna isiyofichika.