Al-Baqara
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
وَإِذْ أَخَذْنَا مِيثَـٰقَكُمْ لَا تَسْفِكُونَ دِمَآءَكُمْ وَلَا تُخْرِجُونَ أَنفُسَكُم مِّن دِيَـٰرِكُمْ ثُمَّ أَقْرَرْتُمْ وَأَنتُمْ تَشْهَدُونَ 84 ثُمَّ أَنتُمْ هَـٰٓؤُلَآءِ تَقْتُلُونَ أَنفُسَكُمْ وَتُخْرِجُونَ فَرِيقًا مِّنكُم مِّن دِيَـٰرِهِمْ تَظَـٰهَرُونَ عَلَيْهِم بِٱلْإِثْمِ وَٱلْعُدْوَٰنِ وَإِن يَأْتُوكُمْ أُسَـٰرَىٰ تُفَـٰدُوهُمْ وَهُوَ مُحَرَّمٌ عَلَيْكُمْ إِخْرَاجُهُمْ ۚ أَفَتُؤْمِنُونَ بِبَعْضِ ٱلْكِتَـٰبِ وَتَكْفُرُونَ بِبَعْضٍ ۚ فَمَا جَزَآءُ مَن يَفْعَلُ ذَٰلِكَ مِنكُمْ إِلَّا خِزْىٌ فِى ٱلْحَيَوٰةِ ٱلدُّنْيَا ۖ وَيَوْمَ ٱلْقِيَـٰمَةِ يُرَدُّونَ إِلَىٰٓ أَشَدِّ ٱلْعَذَابِ ۗ وَمَا ٱللَّهُ بِغَـٰفِلٍ عَمَّا تَعْمَلُونَ 85
(84-85) Na kitendo hiki kilichotajwa katika Aya hii ni kitendo cha wale waliokuwa katika wakati wa kuteremka kwa wahyi (ufunuo) huko Madina. Na hilo ni kwa sababu Aws na Khazraj - ambao ni Ansari - walikuwa washirikina kabla ya kitumilizwa kwa Nabii - rehema na amani ziwe juu yake - na walikuwa wakipigana wenyewe kwa wenyewe kwa desturi ya Jahiliyyah (zama za ujinga kabla ya Uislamu). Kwa hivyo, walishukiwa na makundi matatu ya Kiyahudi: Banu Quraydha, na Banu Nadhir, na Banu Qaynuqa'. Kwa hivyo, kila mojawapo ya makundi hayo likainigia katika mkataba na watu wa Madina. Basi wakawa wanapopigana vita, Mayahudi wanamsaidia yule waliyeingia naye katika mkataba dhidi ya wale wanaopigana nao, ambao wanasaidiwa na yale makundi mengine ya Mayahudi. Hivyo basi, Myahudi akawa anamuua Myahudi mwenzake, na anamtoa katika makazi yake kunapokuwa na kutolewa na uporaji. Kisha vita vinapopoa, na ikawa kulikuwa na mateka kati ya pande mbili, wanakomboana wenyewe kwa wenyewe. Na mambo hayo matatu yote walikuwa wamefaradhishiwa. Walifaradhishiwa kwamba wasimwage damu zao wenyewe kwa wenyewe, wala wasitoane wenyewe kwa wenyewe, na wakimkuta mateka miongoni mwao, lazima wamkomboe. Basi wakalifanyia kazi hilo la mwisho, na wakayaacha yale mawili ya kwanza. Kwa hivyo, Mwenyezi Mungu akawakosoa katika hilo. "Je, mnaamini baadhi ya Kitabu" nalo ni kumfidia mateka "na mnakataa baadhi yake?" nalo ni kuua na kutoa nje. Na ndani yake kuna dalili ya kwamba imani inahitaji kufanya maamrisho na kuacha makatazo. Na kwamba maamrisho ni katika imani. Mwenyezi Mungu Mtukufu alisema, "Basi ni nini malipo ya mwenye kutenda hayo miongoni mwenu ila aibu katika maisha ya duniani" Na hilo lilikwishafanyika, na Mwenyezi Mungu akawafedhehesha, na akampa nguvu Mtume wake dhidi yao, hivyo, (Mtume) akawauwa aliouwaua. Na akawateka aliowateka miongoni mwao, na akawafukuzilia mbali wale aliofukuzilia mbali. "Na Siku ya Kiyama watapelekwa kwenye adhabu kali kabisa. Na Mwenyezi Mungu si mwenye kughafilika na yale mnayoyatenda." Kisha Mwenyezi Mungu Mtukufu akaeleza sababu iliyowalazimu kukufuru baadhi ya Kitabu na kuamini baadhi yake, akasema: