Al-Baqara
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
وَإِن كَانَ ذُو عُسْرَةٍ فَنَظِرَةٌ إِلَىٰ مَيْسَرَةٍ ۚ وَأَن تَصَدَّقُوا۟ خَيْرٌ لَّكُمْ ۖ إِن كُنتُمْ تَعْلَمُونَ 280 وَٱتَّقُوا۟ يَوْمًا تُرْجَعُونَ فِيهِ إِلَى ٱللَّهِ ۖ ثُمَّ تُوَفَّىٰ كُلُّ نَفْسٍ مَّا كَسَبَتْ وَهُمْ لَا يُظْلَمُونَ 281
{280-281} "Na (mdaiwa) akiwa ni mwenye ugumu, basi (mdai) ampe muhula mpaka awe katika wepesi." Yani ikiwa anayedaiwa deni yuko katika hali ngumu, na hawezi kulilipa, basi inamlazimu mdai wake kumpa muda hadi apate wepesi. Naye inamlazimu akipata njia yoyote ile ya kulipa inayoruhusika kwamba alipe anachodaiwa. Na ikiwa mdai wake atampa sadaka kwa kulitupilia mbali deni lote au sehemu yake, basi hilo ni heri kwake. Na inamrahisishia mja kushikamana na mambo ya kisheria, na kuepuka miamala ya riba. Na kuwafanyia wema wale wenye ugumu akijua kwamba atakuwa na siku ambayo ndani yake atarejea kwa Mwenyezi Mungu. Na atamlipa matendo yake, na hatamdhulumu uzito wa chembe, kama alivyohitimisha Aya hii kwa kauli yake. "Na iogopeni Siku ambayo mtarudishwa kwa Mwenyezi Mungu, kisha kila nafsi italipwa ilichochuma. Nao hawatadhulumiwa." Kisha Mola Mtukufu akasema: