Al-Baqara
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
وَإِذَا قِيلَ لَهُمْ لَا تُفْسِدُوا۟ فِى ٱلْأَرْضِ قَالُوٓا۟ إِنَّمَا نَحْنُ مُصْلِحُونَ 11
(11) Yaani, wanapokatazwa hawa wanafiki kufanya uharibifu katika ardhi, nao ni kufanya ukafiri na maasia, miongoni mwake ni kufichua siri za Waumini kwa adui wao na kuwategemea makafiri, “wanasema: Bali sisi ni watengenezaji;” basi wakachanganya baina ya kufanya ufisadi katika ardhi na kuonyesha kwamba huo sio ufisadi, bali ni utengenezaji ili kugeuza uhakika. Na kuchanganya kati ya kufanya batili na kuitakidi kuwa ndio haki; na hao wanafanya dhambi kubwa mno kuliko anayetenda maasia pamoja na kuitakidi uharamu wake. Huyu yuko karibu zaidi na usalama, na anatarajiwa zaidi kwamba atarudi. Na pindi ilipokuwa katika kusema kwao “Bali sisi ni watengenezaji," kuzuilia utengenezaji upande wao tu – ambako (huko kuzuilia) kunamaanisha kuwa Waumini sio miongoni mwa watu wanaotengeneza - Mwenyezi Mungu aliwageuzia madai yao hayo kwa kauli yake: