Ar-Ra'd
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
وَيَقُولُ ٱلَّذِينَ كَفَرُوا۟ لَوْلَآ أُنزِلَ عَلَيْهِ ءَايَةٌ مِّن رَّبِّهِۦٓ ۗ إِنَّمَآ أَنتَ مُنذِرٌ ۖ وَلِكُلِّ قَوْمٍ هَادٍ 7
{7} Yaani makafiri wanakupendekezea baadhi ya ishara wanazozitaka wao, na wanasema: “Mbona hakuteremshiwa ishara kutoka kwa Mola wake Mlezi?" Na wanaifanya kauli yao hii kuwa ni udhuru wao wa kutomuitikia Mtume, na hali ni kuwa yeye ni mwonyaji tu, wala hana lolote katika jambo hilo, na Mwenyezi Mungu ndiye anayeteremsha ishara mbalimbali. Na alimuunga mkono kwa ushahidi mbalimbali ulio wazi ambao haufichikani kwa wenye akili, na kwayo anaongoka yule ambaye ameikusudia haki. Na ama kafiri, ambaye kwa sababu ya dhuluma yake na ujinga wake anampendekezea Mwenyezi Mungu kuleta ishara mbalimbali, basi pendekezo lake hili ni batili uwongo, na uzushi. Kwa maana lau kuwa itamjia ishara yoyote ile, hataamini wala kuifuata. Kwa sababu hakukataa kuamini kwa sababu ya kukosa cha kumuonyesha usahihi wake; bali hilo ni kwa sababu ya matamanio ya nafsi yake na kufuata tamaa zake. "Na kila kaumu ina wa kuwaongoza." Yaani, mlinganiaji anayewalingania kwenye uwongofu kama vile Mitume na wafuasi wao, nao huwa na ushahidi na hoja mbalimbali pamoja nao zenye kuwaonyesha usahihi wa uwongofu walio nao.